كنيسة إمبابة , صرحت على الهواء ماري حكيم والدة الشماسين كيرلس وبيشوي شهيدي حادث حريق الكنــيسة في 14 أغسطس 2022 وكشفت عن آخر حوار معهما .
آخر حوار مع شهيدين من كنيسة إمبابة في الذكرى الاولى
وقالت ماري حكيم في تصريحات لها على الهواء من خلال حلولها ضيفة في برنامج مساء النور الذي يذاع على قناة مي سات أن آخر مرة كانت معهم كان يوم السبت بالليل وكان ذلك في نهضة السيدة العذراء مريم و لكن في يوم الأحد صحيوا وراحوا إلى القداس لوحدهم .
و أكملت قائلة هما متعودين على كدة علشان أحنا قريبين خالص من الكنــيسة و ربنا كان مديلهم نعمة اإنهم أذكياء و كانوا سابقين سنهم و كانوا على طول بيروحوا لوحدهم ومش بيخافوش من أي حاجة .
تفاصيل جديدة عن شهداء كنيسة إمبابة
و أكملت حديثها قائلة آخر مرة هما كلموني كان يوم السبت بالليل وأتكلمنا كلنا كأسرة عادي هتصحوا تروحوا القداس الصبح ردوا قالوا أة ياماما هنروح .
و يومها باباهم قالهم أحنا في إجازة و مش عايزكم تفوتوا أي قداس خالص وردوا قالوله حاضر يابابا و هما من صغرهم كانوا بيحبوا بيت ربنا أوي.
قداس الذكرى الأولى
و أشارت في حديثها قائلة العادي أن كل مرة أنا أو بباهم بنصحى نصحيهم حتى لو مش هنروح بس في اليوم ده أحنا محسناش خالص هما فعلا كانوا ملايكة ومحدش حس بيهم يومها .
و كان قد أقيم قداس الذكرى الأولى للشهداء يوم الاثنين 14 أغسطس .
و الجدير باالذكر أنه في يوم 14 أغسطس من العام الماضي وقع حريق داخل كنيــسه أبو سيفين في إمبابة أثناء القداس الإلهي وأسفر هذا الحريق عن وفاة 41 شخص كان من بينهم 18 طفل وتم إصابة 14 أخرين .
