لاعب , دخل نجم نادي فاركو السابق عمرو وردة في نوبة من البكاء أثناء حديثه عن أنباء فسخ تعاقده مع فريق نادي فاركو قبل أن يخوض أي مباراة مع الفريق في بطولة الدوري المصري .
تصريحات لاعب نادي فاركو
وقال عمرو وردة في تصريحات تليفزيونية له أنا أتكتب عني حاجات كتيرة و أنا عمر ما أترفع عليا قضية ولا حتى روحت قسم شرطة أنا بتعامل بس مع ربنا بعد اللي أنا شوفته من الناس أنا موجود مع فريق نادي فاركو بشكل طبيعي ومن أيام فريق الرجاء المغربي وأنا بتعالج نفسيا أنا عندي مشكلة بتعالج منها منذ فترة طويلة .
لاعب فاركو يرغب في العودة للمنتخب المصري
وتابع عمرو وردة تصريحاته قائلا نادي فاركو في قمة الإحترام و النادي واقف بجواري و هما عارفين إني أنا تعبان لا يوجد أي مشكلة نهائي أنا مش عارف ليه الناس بتعمل كده معايا و الناس دي مش عايزة ترجعني المنتخب تاني أنا معنديش مشكلة وبتمنى للمنتخب المصري كل خير والناس لو مش عايزني ألعب كورة أنا مش هلعب و ربنا موجود .
وأكمل عمرو وردة تصريحاته قائلا فين ضمير الناس دي أنا كنت بتعالج و محصلش مني إني أنا غيبت أو أتأخرت عن التدريبات لو كان حصل حاجة أنا هقول أنه وأنا أسف لو كان حصل مني أي شيء وأنا صغير و ربنا بيسامح و أكمل تصريحاته قائلا أنا من عائلة محترمة و عيلتي كويسة أنا كل 3 و4 أيام بكون عند الدكتور علشان أنا تعبان و أنا هدفي دلوقتي العودة مرة أخرى إلى أوروبا و المنتخب المصري .
