حلمي بكر , صرح زوجة الموسيقار السيدة سماح القرشي قائلة إتهامي بخطف زوجي هو أمر مستفز و أكدت أن الأستاذ شخص لا يتم الحجر على إرادته .
زوجة حلمي بكر تكشف حقيقة خطفه
وأضافت القرشي في تصريحات لها من خلال مداخلة هاتفية في برنامج حضرة المواطن الذي يقدمه الكاتب الصحفي سيد علي ويذاع على قناة الحدث اليوم إنه مش حقيقي و كلا م غير صحيح إني خطفته و كله إفتراءات و أنتوا لو عاوزين تفتروا إفتروا بالمعقول واللي بعقله يســتحمله .
الحالة الصحية للموسيقار حلمي بكر
وأكملت قائلة الأستاذ تعبان من 3 شهور وهو كان في مرحلة الإحتضار و لكن نجا منها و إحنا بنراعي حالته الصحية ومقصرناش معاه .
وأكدت القرشي قائلة لقد فوجئنا بأعداد كبيرة من الصحفيين موجودين عندنا في البيت من الصبح ولحد دلوقتي و هما طلعوا لنا الدور التالت ولا العمارة ولا البيت مقفول ولا العمارة وبيتنا مفتوح لزيارة الأستاذ و نحن لم نمنع أحدا من زيارته و أكملت قائلة الموسيقار جنبي أهو بس هو رافض إنه يدلي بأي تصريحات و هو بيقول عيب إن إسمه يزج به بهذه الطريقة و ميصحش إن هو يتقال عليه إني مخطوف لإن هو مش عيل صغير .
رسالة بعد إتهامها بخطفه وتعذيبه
وواصلت قائلة أنا أوجه كلمة إلى كل من يقول إنه مختطف يا جماعة إحنا مش قادرين إننا نودي الأستاذ المستشفى علشان هو اللي رافض إنه يروح المستشفى واللي عايز يقنعه يتفضل يجي وأنا هشيله بنفسي وأوصله بعربيتي و أوضحت قائلة الطبيب المعالج له إستشاري القلب والأوعية هو قال إنه بحاجة إلى رعاية مركزة ولكن هو رافض الفكرة فتم وضع خطة في البيت
و إحنا حولنا الأوضة بتاعته إلى رعاية وبعدها تحسنت صحته والطبيب قال أن إنتي عديتي مرحلة الرعاية و العناية و حاليا المشاكل بتاعت الرئة هديت ومشاكل القلب كمان هديت و وقفنا مشاكل غسيل الكلى بعد تحسن وظائفها بس هو طريح الفراش وإحنا بنقلبه يمين وشمال و هو غير قادر على الحركة .
