خالد الغندور , علق اللاعب السابق لنادي الزمالك على إعتذار مدير الكرة السابق في الأهلي سيد عبد الحفيظ عن التصريحات المسيئه له .
خالد الغندور يرد على إعتذار سيد عبد الحفيظ
وكان قد قال سيد عبدالحفيظ في تصريحات تليفزيونية له على قناة أم بي سي مصر2 أول أمس أنا بعتذر من الكابتن خا لد الغندور على تصريح معين أنا كنت قولته قبل كده و أنا اتريقت عليه على الشكل و أنا إتضايقت من نفسي جدا من التصريح ده .
وقال اللاعب السابق لنادي الزمالك في فيديو له قام ببثه على حسابه الرسمي على موقع التواصل الإجتماعي فيس بوك أنا في ناس بعتتلي فيديو للكابتن سيد عبدالحفيظ وهو بيعتذر ليا علشان كان اتنمر على شكلي و على طولي و هو قال إنه مختلف معايا في باقي التصريحات الثانية .
خالد الغندور يوجه رسالة لسيد عبد الحفيظ
وتابع قائلا أنا بقول لكابتن سيد عبدالحفيظ إن إعتذارك مقبول و أنت أخويا الصغير و مفيش معاك أي مشكلة خالص و بالرغم من إختلافي معاك في الكثير من النقاط ولكنك كنت مدير كرة ناجح جدا و أنا كنت حزين لرحيلك عن النادي الأهلي .
وشدد قائلا رحيلك كان غير مقنع لأي إنسان وده بسبب النجاح اللي أنت قدمته مع الأهلي والفوز بالكثير من البطولات ولكن طبيعي إن يكون هناك أفكار وإنتماءات مختلفة وكل طرفب يدافع عن الحق من وجهة نظره .
و أختتم تصريحااته قائلا أنا أعرف مدى أخلاقك جيدا و تربيتك و أنت أيضا بتعرفني و أنا بشكرك على إعتذارك وأنا متقبل ده و أنا كمان بتقدم بإعتذار ليك عن أي شئ سيئ بدر مني في أي وقت .
