محمد ثروت , بكى الفنان على الهواء مباشرة بعد رؤيته لفيديو مشاهدة إبنه على المسرح لأول مرة في الحفل الذي كان قد أحياه في السعودية منذ أسابيع .
سبب بكاء الفنان محمد ثروت
وكشف نجل الفنان مع الإعلامية منى الشاذلي في برنامج معكم الذي يذاع على قناة أون أي قائلا دي كانت أول مرة يشوفني من غير أي حاجة و لا عكاز ولا سندات ولا حتى المشاية .
وعندما تم عرض مقطع الفيديو لم يستطع الفنان منع دموعه مرة أخرى وبكى متأثرا بالمشهد .
الفنان محمد ثروت يتحدث عن مرض نجله
وتحدث الفنان عن شعوره أثناء فترة مرض إبنه قائلا المرض ده كان مفاجأة غريبة جدا حاجة مش متوقعة وأنا كان لازم أتماسك علشان أعرف أخد القرار و لو كنت ضعفت أو حتى أتوترت ممكن كنت أخد قرار خاطئ فبفضل ربنا عليا في أدق المراحل في الظروف وكان بيلهمني أني أفكر بشكل متزن .
وأوضح قائلا أحنا لما وصلنا المستشفى أستدعيت دكاترة المخ والأعصاب وكانت القرارات كلها سريعة ومفيهاش أي رفاهية وإتقالي أن كل ساعة بتعدي إبنك بيروح منك ومفيش أي مجال للنقاش،وكله بإيد ربنا وهعمل إيه يعني مفيش قدامي غير الصبر و أدعوا ربنا إنه يمد إيده وياخد بالأسباب .
نجل الفنان يكشف رحلة مرضه
وكشف نجل الفنان عن بداية رحلة مرضه حيث أكد أنه فقد الحركة في 30 دقيقة .
وقال في لقائه مع الإعلامية منى الشاذلي آخر 3 سنين أنا تحولت إلى روبوت فحب يعرفني معنى كلمة الله أكبر وأنا كنت فقدت معاني كثيرة من كثر ما أنا تحولت إلى ماكينة في الشغل أنا كنت بتنفس شغل».
وتابع تصريحاته قائلا ربنا ضرب ليا فرامل علشان كل حاجة تيجي قدامي وأعرف أقيمها كنت بعمل حملة قادرون بإختلاف وهي دي الحملة الرسمية لدعم ذوي الهمم و أنا كنت بعمل بعدها شغل لعميل و أكتشفت إني كحيت نقطة دم وبعدين جيت أمشي لاقيت أني كأني ماشي على جيل أو سفنجة ومكنش في إتزان خالص ودي كانت بداية مرضي الذي تطور بسرعة كبيرة .
