أحمد عزمي , كشف الفنان الشاب لأول مرة التفاصيل الكاملة عن أزمته مع الإدمان و ما فعله معه الفنان باسم سمرة في هذه الفترة الصعبة .
إدمان الفنان أحمد عزمي
وصرح الفنان الشاب من خلال لقائه في برنامج واحد من الناس الذي يذاع على قناة الحياة و يقدمه الإعلامي عمرو الليثي أن موضوع الإدمان كان قد بدء معايا بأدمان الكحول ، وكان ذلك هو أول طريق الإدمان وده اللي خلاني أبقى أعمل أي حاجة علشان تبعدني عن الواقع اللي أنا رافضه .
سبب إدمان الفنان أحمد عزمي
وأضاف الفنان في تصريحاته على الهواء قائلا بعد مقتل أخويا حمدي أنا حسيت بغربة في وسط كل الناس اللي أنا كنت أعرفهم و كان جوايا غضب كبير أوي و ده كان بيظهر بس على الناس القريبين مني و أنا أستمريت على شرب الكحول فترة كبيرة و بعد كدة سافرت شرم الشيخ و هناك أشتريت شقة وأتعرفت على ناس مكنتش أعرفها ومن هنا كانت بداية مراحل الإدمان بتاعتي لحد ما الموضوع انتهى بالقضية و المشكلة اللي حصلت وقتها .
و أكمل الفنان تصريحاته حيث قال : أخويا تم طعنه 13 طعنة في خناقة من واحد كان عاوز يسرقه ولما هو أتخانق معاه غزه بالمطواة وبعدين كمل عليه الطعنات .
وتابع تصريحاته قائلا أنا كنت بشتغل في فيلم الشوق كان في الإسكندرية مع خالد الحجر وبعدين بدأت أشرب وأنا عمري ما كنت بشرب خالص وقت التصوير ، و هي دي كانت المرة الوحيدة اللي أنا عملت فيها كده ووقتها زعلت حد من العاملين في المكان وخرجت عن النص وكانت دي أول مشكلة أقع فيها .
موقف مفاجئ من باسم سمرة
وأكمل قائلا أنا كنت بشتغل كتير مع الفنان باسم سمرة وهو شك إن أنا مدمن على كوكايين ، ل البيت لقيته جه البيت وكان معاه أبن عمه و أخوه وخطفوني وهو قال لي بس تعالَى معايا وخدني عنده قعدني 4 أيام ، وقال لي أنا كنت عاوز أتأكد علشان أنا سمعت إنك مدمن على الكوكايين وأنا قولت له كويس بس أنا مدمن على الكحول .
