حسام حبيب , خرج بأول تعليق على تسريب رسائل صوتية خاصة به بشأن أزمة حسابات طليقته شيرين عبد الوهاب و إنتشار عدد من الفويسات له وهو يتهم فيها شقيق الفنانة شيرين ببيع حساباتها على السوشيال ميديا
وفي تصريحات له في أحد البرامج قال المطرب الفويسات المنتشرة ليا دي حد خدها من تليفوني و أنا مصرحتش بأي كلام كم ده وهقدم بلاغ إلى النائب العام ضد من قام بسرقتهم ودي بتعتبر جريمة و بيعاقب عليها القانون وأي حد هينشر كلام أمصرحتش بيه أنا هعمل بلاغ ضده وأنا بحذر اللي هينشر .
حسام حبيب يرد على تسجيلاته الصوتية المسربة
وتابع الفنان قائلا أن حديثه عما فعله شقيق شيرين هو كلام حقيقي حيث أكد أن شيرين قدمت بلاغ في هذا الشأن وقال أما الموضوع اللي موجود في الفويسات إن أخوها قام بإمضااء توكيل بأثر رجعي و إنه يقوم بالتنازل عن السوشيال ميديا الخاصة بشقيقته شيرين من دون علمها في بلاغ الفنانة قدمته عن طريق ياسر قنطوش وكانت بتقول فيه نفس الكلام اللي أنا قولته .
تصريحات حسام حبيب
وأضاف في تصريحاته قائلا أنا مبقولش أي كلام مرسل والبلاغ كمان بيقول نفس الكلام ده والمفروض إن الناس بدل ما بتهاجم تفهم السبب مين في إن شيرين مش عارفة لحد دلوقتي تتواصل مع جمهورها و لا حتى عارفة تنزل أغاني جديدة و هما اللي عملوا مشاكل كبيرة جدا بين شيرين وبين شركة الإنتاج بتاعتها.
وختم تصريحااته قائلا سبحان الله أنا مقصدش إن أنا أقول أى حاجة لأي حد ولا أقصد أصرح بالكلام ده بس أنا كنت بتكلم مع حد في محادثة خاصة على التليفون و في حد خدها وسربها ودي حاجة غير أخلاقية وأي حد هينشره هيبقى نفس الموضوع بس بالنسبة للمحتوى بتاع الفويسات فهو صحيح.
