مصطفى كامل , صرح نقيب المهن الموسيقية قائلا أنه من أجل عشرة عمري و علشان أخويا الكبير و هو أيضا أبويا وأستاذنا كلنا الموسيقار الراحل حلمي بكر أنا لم أدخر جهد بقدر ما إستطعت في دعمه و أن أقف بجانبه في آخر أيامه .
مصطفى كامل يدافع عن حلمي بكر
وأضاف النقيب في تصريحات له من خلال مداخلة هاتفية في برنامج ألحدث اليوم الذي يقدمه الكاتب الصحفي سيد علي ويذاع على قناة الحدث اليوم قائلا إنه بقدر ما إستطعت من محاولات للدفاع عن م راَه الموسيقار حلمي بكر وقفت وهذه الوقفة كنت قد دفعت تمنها لحد هذا الوقت و دائما يتم التحرش بيا وبشخصي و دايما بيتم عمل بلاغات ضدي .
مصطفى كامل يتحدث عن أزمة مرض الراحل
وأنا من إمبارح مستهلك ومنمتش و على إتصالات مع أعلى الأجهزة علشان ما حدث بجثمان الموسيقار الراحل هو مهزلة بكل المقاييس من أول ما أخواته راحوا علشان يجيبوه و إبنه كان على تواصل معايا و أنا ناشدته وقولت له من فضلك إنت إبنه الوحيد الدرجة الأولى إنزل علشان تساعدنا وعلشان تخرجه و نقدر نعالجه علشان إحنا مش عارفين نوصله وبالفعل نجله قام بعمل توكيل إلى المستشار مرتضى منصور .
أزمة نقل جثمان الموسيقار الراحل حلمي بكر
وتابع نقيب الموسيقين قائلا انا ونادية مصطفى حركنا كل أهل الموسيقار حلمي بكر وكلمت نقيب الشرقية وقولت له نفذ بالشكل الأدبي و لشكل المعنوي و أيضا الشكل المادي كل الدعم من دون الدخول في أي معارك مع حد .
و أكمل قائلا حاولنا ناخد الأستاذ وحصل الشجار من قبل الطرف اللي كان واخده وكلمنا وزير الصحة وبعدها فوجئنا انه تم نقله إلى المستشفى بعد ما كانوا بيقولوا ان هو رافض يروح أي مستشفى و قولنا خلاص نحطه في التلاجة قالوا المستشفى م فيهاش تلاجة كلمنا تاني وزير الصحة و تم نقله إلى تلاجة في مستشفى كفر صقر و أخواته كلموني وكانوا بيصوتوا وقالوا إحنا جالنا ناس ومانعين العربية تتحرك.
وأضاف قائلا كلمنا تاني وزير الصحة وأمر بنقله إلى تلاجة في مستشفى في القاهر ومن الساعة 11 بالليل لحد 11 الصبح خناقات علي الطريق بجثمان الراحل 11 ساعة الجثمان لم يدخل إلى التلاجة ولم يتم تغسيله لحد ما وصلوا قسم السلام و هناك بعتنا محامين علشان يروحوا وزارة الداخلية والعدل من أجل التحفظ علي الجثمان في تلاجة مستشفى السلام العام .
