نجيب ساويرس , قام رجل الأعمال بنفي كل ما يتم نشره عن نقل إستثماراته إلى خارج مصر حيث قال كل ده كلام ملهوش أي أساس من الصحة و أنا مقدرش في عمري ده أني أروح و أعيش في حتة تانية .
فرص إستثمارية لـ نجيب ساويرس
وأضاف رجل الأعمال في تصريحاته من خلال مداخلة هاتفية في برنامج حضرة المواطن الذي يقدمه الكاتب الصحفي سيد علي ويذاع على قناة الحدث اليوم قائلا أنا عندي كل الفرص اللي في الدنيا علشان أروح وأعيش في حتة تانية ولكن أنا لا أشعر بوجودي و لا بسعادتي وراحتي غير في بلدي ولكن شركاتنا شركات عالمية وبتشتغل في كافة أنحاء العالم و دي حاجة تشرف مصر مش حاجة تضر مصر.
حساسية الوضع القتصادي
وتابع رجل الأعمال تصريحاته قائلا أنا لما كنت بشتغل في الجزائر و في كوريا و في العراق ودول أخرى محدش كان بيتكلم بس دلوقتي علشان فيه حساسية و أحنا عندنا مشاكل فعلية ومش شايفين فين الحلولفي الوضع الإقتصادي ولسه محدش طلع قالنا هنعمل إيه في الوضع اللي احنا فيه ده وهنسدد إزاي الديون وهنعمل إيه في أزمة الدولار وإيه هو التغيير اللي هيحصل دلوقتي .
هدف نجيب ساويرس من الإستثمار خارج مصر
وأوضح رجل الأعمال في تصريحاته على الهواء قائلا إحنا بنشتغل برة علشان نوفر فرص عمل لكل أولادنا خارج مصر و علشان أولادنا ياخدوا مرتباتهم بالدولار و بعد كدة يحولوا دولاراتهم إلى مصر واحنا أرباحنا دايما بنحولها دايما إلى مصر هو لو في شركة مصرية و بقت شركة عالمية يبقى غلط أحنا فنادقنا ومصانعنا و الجونة و كل مشاريعي هنا و أنا كل يوم بفتح مشروع و مفيش صحة أن أنا أنقل إستثماراتنا في خارج مصر .
