شفت المسيح عن سيدة من الوسط الراقي، كشفت عن واقعة حقيقية حدثت معها، لتشارك الجميع كيف رأت الرب يسوع في عرس حضرته مع زوجها.
حكاية الفرح اللي كان فيه المسيح
قالت السيدة عن حكاية الفرح، قالت: أتعزمت أنا وجوزي في فرح بمصر الجديدة، عند مقاول من أكبر المقاولين في البلد، والمقاول ده كان خاطب لأبنه وكان عايز يعمل ليلة بس ليلة محترمة جدا، حيث دعا مرنمين وآباء كهنة علشان يباركوا ليلة فرح أبنه، المقاول مفكرش أنه يجيب رقاصة ولا مطرب، مع أنه مقتدر جدا لأني زي ماقولت أنه غني جدا.
وأكملت أنا شفت ناس كتير من أغنى أغنياء البلد، ومن الشخصيات المرموقة والمعروفة، وهذا المقاول كان عامل أكل غريب شوية لحوم فقط و3 خرفان بيتتشوي على النار مع أن عدد المعزومين قليل على كل الأكل هذا، وذلك غير الترابيزات اللي كانت مفروشة بشكل رائع جدا، ومحدش قاعد عليها أنا قلت دي أكيد لناس معينة من علية القوم وأكيد زمانهم جايين, و مكثت أفكر هو في ناس أغنى من الناس اللي موجودين معانا دلوقتى.
مفاجاءة غير متوقعة من هم مدعوين الفرح و المسيح كان موجود معاهم
وأضافت والمرنمين أبتدوا يرنموا وجو الفرح أصبح سماوي فعلا، حسيت أني في مكان تاني مش على الارض، والأكل بدء ينزل قدمنا, ويتفرش على الترابيزات اللي هى مفروشة ومتزينة في أجمل صورة، وفجأة لاقيت أكتر من 100 شخص داخلين العرس ناس فقيرة وغلابة جدا, والناس دي كانوا مبسوطين وفرحانين فرحة أنا مشفتهاش قبل كدة.
وقالت: الغريب بقى أن أصحاب الفرح لما شافوا الناس الغلابة دول سابوا كل المعازيم وكل الحضور، وجريوا علشان يستقبلوهم وأبتدوا يقعدوهم على الترابيزات الفخمة جدا، وكان أصحاب الفرح بيخدموا هؤلاء الفقراء والغلابة بنفسهم، أنا أول ما شفت كده تركت الأكل وقمت لأخدم معهم فأخدت طبق أكل، وقلت أقدمة للناس دي وكان من حظي آخر واحد فيهم باقي أخدمة.
وأضافت: وكان راجل كبيرا بالعمر وعندما أخذ الطبق مني شكرني بشدة، وقال شكرايابنتي، فنظرت له وذهلت لما شاهدت شفت المسيح، لسه هانده لجوزي لأقول له تعالى بسرعة وجدت صاحب الفرح يقول لي لا تقولي لحد خليها بركة ليكي، فقولت له أنت عارف هاقول أيه فقال انظري مين اللي قاعد هناك ده، بتلفت لم أجد الراجل الغلبان الي خدمته بالفرح.
فرد عليها صاحب الفرح وقالي هو علي طول كده يجي ويمشى بسرعة، صدقوني أنا مبقتش حاسة بنفسي جسمي أترعش وبكيت من الفرحة، لأني أخدت نعمة كبيرة قوي مكنتش أحلم أني أخدها، كانت أجمل خدمة وأجمل محبة وناس بسيطة متواضعة، أحنا أتقابلنا مع الرب يسوع المسيح وأخدنا بركة كبيرة.
“تَصَدَّق مِن مالَك، ولا تُحَوِّل وجهك عن فقير؛ وحينئذٍ فوجه الرب لا يُحَوَّل عنك”
( سفر طوبيا 4: 7 )
آمــــــــــــــــــين المجد لك يارب
