كريم عبد العزيز , حل الفنان ضيف على منصة واتش ات مع الإعلامي محمود سعد وكشف في تصريحاته عن إصابته بجلطات في الرئة و التفاصيل الكاملة لعلاجه في إنجلترا .
كيف أكتشف كريم عبد العزيز مرضه
قال الفنان في تصريحاته أنا عامل لوالدتي تأمين صحي وكنت مسافر في إنجلترا وكانت هي تعبانه وهتعمل عملية، و فجأة أنا لقيت آلام غير طبيعية في صدري أفتكرته دور برد وبعدها عملت أشعة ومشيت .
وتابع تصريحاته قائلا تاني يوم فوجئت برسايل بيطلبوا أني لازم أروح للمستشفى فورا وأنا مكنتش حاسس بحاجة ووصلت هناك لقيت ناس واقفة مستنياني وبيسألوني أنت إزاي واقف على رجلك و أكمل قائلا وقتها أنا كان عندي 36 سنة دخلت الأوضة مع الدكتورة و هي قالتلي أنا أسفة لكن دا الطب ولازم أقولك إنك هتموت .
مرض كريم عبد العزيز
وأستكمل الفنان حديثه، قائلا للوهلة الأولى أنا قعدت أقول هو في كلمة جديدة في الإنجليزي و كان عندي 9 جلطات في الرئة و أـنا كنت عايز أهرب من المستشفى وطلبت من الدكتورة إني أروح أشوف ولادي بس قعدت في المستشفى 4 أيام في العناية المركزة و كانت كل الأفكار الغريبة بتيجي في بالي وكل اللي كنت بفكر فيه أولادي .
وواصل الفنان تصريحاته قائلا قررت أن أنا أشوف دكتور تاني وفعلا قابلتله ولما شوفته قولت له إني أنا لو قعدت في مستشفى هموت وهو فضل يسألني إن كنت روحت لدكتور تاني أو في مستشفى تاني وأنا جاوبت قولتله لأ مع إن في إنجلترا كل الشبكة الطبية مربوطة ببعض يعني هو كان شايف إني دخلت مستشفى لكن أنا كنت بجاوب لأ لحد ما هو سألني وقالي بشتغل إيه قولت له بشتغل ممثل ومش عاوز أقعد في مستشفى هو إتفق معايا إني مقعدش في مستشفى و بعدها أخدت الأدوية و العلاج والحقن في البيت .
