ريم طارق , كشف المحامية هايدي الفضالي ، محامية زوجة حسن شاكوش ، عن تفاصيل و مستجدات جديدة في أزمة موكلتها مع مطرب المهرجانات وذلك بعد أن تم أستدعاءه يوم أمس أمام جهات التحقيق بعد أن أتهم زوجته بسرقة مبلغ نصف مليون جنيه .
تفاصيل جديدة تكشفها محامية ريم طارق
وأضافت هايدي الفضالي محامية زوجة المطرب في تصريحات لها من خلال مداخلة هاتفية على قناة هي مع الإعلامية أميرة بدر في برنامج “ملفات” أن مطرب المهرجانات حسن شاكوش وقف يوم أمس أمام جهات التحقيق من أجل كشف ملابسات أزمته الحالية مع زوجته وأنه قام بأتهامها بسرقة أمواله .
محامية ريم طارق تفجر مفاجأت
وقالت محامية زوجة مطرب المهرجانات حسن شاكوش : ده ملف جواز وطلاق ، و علشان الناس دي بالذات لما أتجوزت بقت تريند ، جهات التحقيق قامت بأستدعاء حسن شاكوش علشان اتهاماته لزوجته بسرقة نص مليون ، وهو هناك قال كلام أنا مش عاوزه أقوله ، علشان مفيش لجان إلكترونية تدخل في الموضوع ، وانا بس بقول أن أي إهانة ليها المفروض أنها هتكون إهانة ليك أنت كمان قبليها ، وأكملت قائلة حتى لو هي ست مش كويسة ووحشة، و لو في أي حد غلط فيها وهي لسه على ذمتك يبقى الغلط كان فيك انت، علشان هي لسه شرفك وعرضك و شايلة اسمك .
وقعوا في المصيدة
وتابعت المحامية تصريحاتها قائلة إحنا ماشيين في الأجراءات بتاعتنا العادية ، وهما وقعوا في مصيدة غريبة جدا ، إمبارح أنا أعلنت عن وثيقة ببيانات كلها صحيحة إن الزوجة مطلقة ، و إن إحنا هنبدأ نراسل محكمة الأسرة في أكتوبر علشان ناخد أول وثيقة ، مش الوثيقة المميكنة ، وقولت إن ديه إشاعات فعلًا ومكتوب فيها إن هي متجوزتش ، بس هما وقعوا في المصيدة علشان هم عندهم القسيمة ، وراحوا النهارده وعملوا بلاغ على إن هي أدلت ببيانات مزورة .
