حسن شاكوش , قال طارق السيد ، وهو والد ريم طارق زوجة مؤدي المهرجانات في أول تعليق له على أزمة نجلته : “نشكر الله إنه عافانا ، وهو كان في أختلاف في وجهات النظر ، و أحنا بنتنا خلاص مش قادرة تكمل معاه ، وهما بقالهم حوالي شهرين متجوزين ، المشكلة في أسلوب الحياة و في الطباع والحمد لله إن ده ظهر بدري ، ولكن هي رفضت الوضع اللي هي شافته و أكمل قائلا هو طلَّعها من البيت وخد كل حاجة ليها حتي حاجتها الشرعي ة؛ وخد الذهب بتاعها والقايمة بتاعتها “.
والد زوجة حسن شاكوش يكشف تفاصيل الأزمة
وأضاف طارق السيد قائلا : ” أن المشاكل بدأت في نصف شهر رمضان و كانت مشاكل عائلية و أنا مبحبش أن أنا أتكلم فيها ، وكل كلامه على إنها كانت متجوزة قبل كدة ، ده كلام كله كذب ، ولو كلامه صح يعمل فينا بلاغ رسمي والمحامي بتاعه أقر إن كلامه اللي قاله مش صحيح ، وأنا عندي بلاغ للنائب العام أن المطرب الشعبي له أخ أسمه موسى بعت ليا فويس و بيتهم فيه كل ستات مصر إنهم أقاموا علاقة مع شقيقه وهددني وقتها إنه سوف
يفضح بنتي “.
الحالة النفسية لزوجة حسن شاكوش
وتابع طارق السيد قائلا : ” أنا بنتي أقسم بالله العظيم حالتها ممتازة ، واللي قالته ليا أنا مينفعش أقوله على الملأ .. علشان أحنا بنستر على بناتنا ، و أحنا معندناش أي وقت للكلام الفاضي”.
حقيقة وقوع الطلاق
وأكد طارق السيد والد زوجة المطرب الشعبي : ” أن مؤدي المهرجانات لم يطلق إبنته رسميا حتى الآن ، بس زي ما احنا دخلنا بالمعروف لازم نخرج بالمعروف ، بس تهديد أخوه أنه هيفضح بنتي وهيشهر بيها ده أحنا منقبلهوش ، ولو القرار هيكون بإيدي أنا أرفض الصلح معاه .
