عمرو أديب , هاجم الإعلامي كابتن حسام حسن المدير الفني لمنتخب مصر بعد التعادل الذي جاء مخيب للاَمال أمام منتخب غينيا بيساو في تصفيات كأس العالم 2026.
عمرو أديب يكشف عن معادلة خطيرة أمام المنتخب المصري
و قال الإعلامي في تصريحات له من خلال برنامج الحكاية الذي يذاع على قناة إم بي سي مصر قائلا اللي يقولك إحنا رجعنالك بنقطة من منتخب غينيا بيساو فهو عنده حق إحنا فعلا رجعنا بنقطة و منقوطين من المنتخب المصري و غينيا بيساو هي فرقة ملهاش و لا في التور ولا ليها في الطحين ولا هي فرقة عاوزة تلعب ولا تبقى جزء من المعادلة و فجأة دخلت معاك المعادلة و بقى ليها مكان و تأثير وبعدين أحنا ندخل في حسبة برما .
مشكلة اللاعبين مع المنتخب المصري
و تابع الإعلامي تصريحاته قائلا اللاعيبة مرهقة جدا و تعبانة جدا والتغييرات كلها مضطربة و مفيش ماتش واحد إلا ويتقال إن اللاعيبة مرهقة و إنها مش قادرة معقول يا جماعة هو هيجي إيه اسهل من كده ده إحنا في أوكازيون و لولا محمد صلاح اللي ربنا يبارك فيه فينجيك و يحييك و هو اللي بيخليك راجع شبه سعيد المنتخب ده و لا شكل له و لا خطة ولا حتى ليه تقدير واللاعب ناصر ماهر لو كان نزل عشر دقايق بدري كانت الدنيا كلها إتغيرت .
و أشار قائلا محمد صلاح هو دايما صلاح الدين اللي على طول ينتصر ويجيب الجون و هو اللي بيخلص لك علطول و لولاه هو اللي إنتوا كنتوا قالبين عليه الدنيا كنا خسرنا الماتش .
عمرو أديب يكشف عن مشكلة حسام حسن
وواصل الإعلامي تصريحاته قائلا المدرب بتاعنا لازم يعرف اللاعيبه بتاعته ومين بيلعب فين هي فين الخطة اللي عنده أنا أعتقد إن و لا في خطة ولا في طريقة و اللاعيبة هي اللي بتطلع اللي عندها زي اللاعب محمد صلاح و اللاعب تريزيجيه و اللاعب زيزو و أكمل قائلا احنا مش شايفين ملامح للمنتخب ولا شاايفين شغل للمدرب .
و أكمل قائلا لو مكنش المدرب يعرف يعني ايه طعم الفوز إحنا هنفوز إزاي ده بينزل لاعيبة علشان تعطل الكرة تحت رجلها انت ياكابتن حسام متعرفش لاعيبتك ولا عارف توظفهم ولا حتى عارف تعمل شكل ولا خطه ولا طريقة .
