الفنانة هند عاكف دخلت في الموضوع الذي فجرته الفنانة المعتزلة ميار الببلاوي، وقسمت أن ميار قالت لها في وقت سابق مباشرا أن لديها دليل براءة وفاء مكي، وأنها تريد الإفصاح به لكي ترضي ضميرها.
هند عاكف تكشف عن دليل براءة وفاء مكي
صرحت الفنانة هند عاكف منفعلة بعد فتح موضوع القضية الشهيرة للفنانة وفاء مكي، قائلة: ( أقسم بالله العالي العظيم أن ميار الببلاوي كلمتني وقالت لي ضميرى بيأنبني ولا أستطيع أنام، وإن لديها دليل براءة وفاء، من التهمة المنسوبة إليها وعايزة تعترف بكل اللي تعرفه، وإن البنتين راحوا لميار بعد ما مشوا من عند وفاء مكي، والبنات كانت زي القرود ولا فيهم حروق ولا تعذيب ولا حاجة، بس ميار مشيتهم من عندها، عاشان خافت من المرض اللي عندهم يعدي أبنها، وكمان المخدماتية قالت لميار البنات دول جايين من عند وفاء)
وأضافت هند عاكف قائلة: ( ميار الببلاوي كلامها بيناقض نفسه، وكنت فرحانه إنها أفصحت بالحقيقة، معرفش ليه رجعت فى كلامها، وأنا طبعا هشهد بالحق لما يطلبوني للشهادة، وفي الوقت الحالي القضية مطروحة على الملاء، والناس أصبحت فاهمة ومثقفة و بيبحثوا ،وهيعرفوا يفرقوا كويس بين اللى بيكذب و اللى بيقول الحقيقة).
كشف أسباب تراجع ميار الببلاوي عن أقوالها
الفنانة المعتزلة ميار الببلاوي كشفت اسباب تراجعها عن أقوالها،قائلة: ( لقد ظهر طرف جديد بقصة وفاء مكي، والطرف ده حفيدة المخدماتية اللي أحضرت لي البنتين، قالتلي إن جدتهاالمخدماتية” كذابة، لأنها قالتلي إنها أحضرت لي البنات من عند وفاء، لكن الحقيقة طلعت إنها حابتهم من الإجازة وليس من عند وفاء، وهما ليسوا محروقين علشان جايباهم من منزلهم كده، وبكده مفيش دليل لبراءة وفاء مكي).
وأكملت ميار (وكده وفاء كذابة وليست بريئة ومش مظلومة، وأنا لم أغير أقوالي علشان ضغط الناس، زي ما منتشر والفكرة كلها إنى كنت فاهمة غلط، ووفاء بالفعل عملت الجريمة دي وعذبت البنات).