هنا الزاهد , لأول مرة تتحدث الفنانة عن إنفصالها من طليقها الفنان أحمد فهمي حيث قالت أنا ست بيت شاطرة و أنا عمرى ما تخيلت إن هيكون في طلاق بعد الزواج بالنسبة ليا إن أنا أمر بتجربة كبيرة و ربنا عارف إن أنا معرفش أتحملها جابها ليا بالتدريج على 8 شهور علشان ميبقاش في وجع.
هنا الزاهد تتحدث عن كواليس طلاقها
وأضافت الفنانة أثناء لقائها في برنامج صاحبة السعادة الذى تقدمه الفنانة والإعلامية إسعاد يونس ويذاع على قناة دى إم سي قائلة أنا أإتعملت من تجربة الطلاق دى كتير ولو رجع الزمن بيان هدخل التجربة تاني علشان أتعلم منها وبعد الطلاق انا حسيت إن الموضوع عادي وزيه زي أى حاجة .
و أكملت أنا رسمت صورة أن هيكون في عائلة علشان أنا بحب الأطفال بس الواقع كان عكس كل اللي أنا توقعته واللي أنا كنت بحلم بيه و الحياة مش وردى و أنا إتعملت إن مش أى حد الواحد يصدقه ولا حتى يدخله بيته ولا يؤتمن و أنا للأسف كنت من الناس اللي بتتعامل بحسن نية .
أسوأ فترة في حياتها
و أكملت قائلة أسوء فترة في حياتي كانت لما أتوفى والد دينا الشربينى و الفنانة إسعاد يونس هي الوحيدة اللي خدت بالها إن أنا عيني مطفية في وقت العزاء .
وأكملت أنا قو لت إن بعد الانفصال أنا هتضايق وهبقى غضبانة بسس أنا ما نزلتش دمعة واحدة بعد طلاقي و إعتبرته موضوع وانتهى وعلشان أشفى نفسي من القصة بقيت طول الوقت مع عائلتي علشان هما اللي بيدوني الدعم وأمي وإخواتي هما اللي ساعدوني و دعمونى و أنا قولت أكيد ربنا شايف ليا إن ده الخير .
هنا الزاهد تكشف عن مواصفات فتى أحلامها
و اما عن مواصفات فتى أحلامها قالتالفنانة عاوزاة يكون راجل ويكون سند وضهر و بيعمل أى حاجة علشان يرضيني و يكون بيشجعني و يفرح ليا كل ما أكبر و ميغيرش مني و لازم أحس معاه بالأمان و أنام و أصحى محسش إن أنا هيتغدر
بيا ولو عملت حاجة وحشة أو حتى إتصرفت غلط يتعامل معايا بحسن نية و يفكر إن إنا بحبه و باقية عليه وختمت قائلة أنا مش هتجوز واحد من سنى أنا عاوزة واحد في الأربعينات .
