هنا الزاهد , قالت الفنانة الشابة في تصريحات لها على الهواء قائلة أنا إتكسرت خلال فترة تعب ماما و أنا كنت بصور و لقيت أختى فرح بتقول لياا إلحقينا أمك تعبانة و وقتها عرفت إن هي عندها المرض اللعين و حسيت إن أنا ضيعت و قعدت مكنتش مصدقة و هي كانت مرحلة صعبة جدا في حياتي بس الحمدلله هي خفت .
هنا الزاهد تكشف عن أصعب فترة في حياتها
و أضافت الفنانة في تصريحات لها من خلال لقائها في برنامج صاحبة السعادة مع الفنانة إسعاد يونس قائلة أنا و إخواتي إتدمرنا نفييبا في وقت تعب ماما وفي الحقيقة اللي ملهوش خير في أهله ملهوش خير في أي حد و أنا مش متخيلة الحياة من غير أمي .
و أكملت قائلة بابا موجود و كان موجود في فرحى بس هو مش قريب مننا خالص و أنا كان نفسي يكون قريب و ده سبب من الأسباب اللي كان بيخلينى إني أخاف أغلط علشان بابا مكنش في حياتنا وماما بس هي اللى كانت موجودة .
بكاء هنا الزاهد لهذا السبب
و تابعت الفنانة وهي تبكي قائلة أنا شوفت الفنان صلاح عبد الله و هو كان بيعيط بحرارة في فرح بنته و وقتها أنا روحت في جنب وقعدت أعيط علشان كان نفسي أحس الإحساس ده و بابا إنسان كويس بس هو دايما بعيد عننا و أنا إفتقدت مشاعر الأب وهو دلوقتي عنده عيله تانية و الفنان الراحل طلعت زكريا كان مالي الحتة اللي بابا كان سايبها بس مهما كان مكنش زي بابا .
و أكملت قائلة أنا خايفة من فشل الزواج علشان مكررش تاني اللي حصل من بابا و أنا مبعرفش أحب حد في سني لازم يكون أكبر مني علشان أعوض الحتة بتااعت بعد بابا عنى .
