ماريا أمير , كلمات مؤثرة كانت أخر منشور لمحاربة السرطان في اليوم السادس من الشهر الحالي على صفحتها الشخصية على موقع التواصل الإجتماعي فيس بوك وذلك قبل أن تقوم بإجراء عملية جراحية .
آخر منشور لـ ماريا أمير
وكتبت الفتاة على حسابها مساء الخير أنا هدخل أعمل عمل عملية كبيرة أوي بكرة الأحد 6 أغسطس أعذرونى كلكم أنا تعبانة أوي وحقيقى أنا مش قادرة أرد على أي حد نهائي وباريت تعذرونا لا أنا ولا صموئيل ولا في أي حد فى أخواتى أو بابا أو ماما هيقدر أنه يقول على إسم المستشفى علشان في عدد كبير أوي عايز يجيلى والمستشفى دي حجمها صغير خالص .
وأكملت قائلة أنا هطلع من جوه العملية على الرعاية والعملية بتاعتي خطيرة وكبيرة أويي وهتقعد 14 ساعة
ماريا أمير صلولي وأطلبوا الرب يسوع يتحنن عليا
وقالت محاربة السرطان أنا بطلب من كل حد أنه يصليلى في اليوم دة ويطلب صلوات ماما العدرا ويقول لها من فضلك اطلبي من إبنك يتحنن على ما ريا وروحيلها مع سائر القديسين و يكون معاهم أبونا فلتاؤس وأبونا مينا .
وأكملت قائلة أنا مستنية المعجزة مش مستنية إيد الدكتور علشان أقوم منها بسلام هي ملهاش حل تاني صلواتكوا ليا هى اللى هتخليهم يتحننوا عليا و أنا في العملية ويجوا ليا وهما اللى هيعملولي العملية قبل إيد الدكتور .
وختمت منشورها قائلة كل ما الدنيا بتقرب أنا بحس برعب أكتر بس بصلواتكوا أنا بتصبر ومخليني أصدق وأتمسك أن فى المعجزة جاية وأنه هيجى فى الهزيع الأخير ، و أكملت لازم في اليوم ده كلكوا تصلولى أنا برجوكوا وشكرا ليكم كلكك تبرعاتكوا أنا بحبكوا.
والمعجزة هي استراحت ماريا من اتعابها ومعانتها وذهيت حيث الراحة الابدية في الأمجاد السماوية، ذهبت لمكان أفضل حيث لا الم ولا تعب، استراحت من جميع أتعاب العالم.
