فادي نبيل , صرح المتهم بقتل المهندس دهسا بإستخدام لودر داخل موقع تحت الإنشاء للعمل في منطقة التجمع عن كيفية إرتكابه للجريمة أمام جهات التحقيق والتي كانت قد حدثت منذ عدة أشهر ماضية حيث أكدت على أنه قد أقبل على جريمته وهو متأثر بما علمه عن المجني عليه بأنه كان يقوم بأعمال سفلية .
أقوال المتهم بدهس المهندس فادي نبيل
وأعترف المتهم بجريمته أمام جهات التحقيق حيث قال أنا من صغرى وأنا بيتعملى أعمال سفلية و أنا مش عارف أخلص منها لحد دلوقتي ولما أنا روحت الموقع من 10 أو 11 يوم شوفت المهندس وکنت بحاول أن أنا أتجنبه وإمبارح عرفت أنه بتاع أعمال سفلية .
وأكمل المتهم إعترافاته قائلا أنا كنت شغال باللورد في الموقع ولقيت واحد إسمه ممدوح قاعد مع المهندس أمام العمارة اللي كان شغال فيها المهندس و أنا حسيت إن هما بيبصولي وأن المهندس كان بيتكلم عليا و أنه عايز يمشينني
المتهم يكشف سبب دهس فادي نبيل
و أكمل المتهم قائلا أنا أستنيت الأستاذ ممدوح لحد ما مشي من المكان وأول ما لقيت المهندس ماشي قدام العمارة اللي هي جنب العمارة اللى هو كان شغال فيها لوحده روحت رايح عليه باللودر و قومت خبطه بسقف سكينة اللودر في صدره من الناحية اليمين ووقع على ظهره .
وأضاف المتهم قائلا وبعد كده أنا عدلت سكينة اللودر ورفعتها تاني لفوق وخليت السكينة مقلوبة ونزلت عليه بالشفرة بتاعت السكينة وهي مقلوبة في صدره ورفعتها تاني ونزلت بيها تاني عليه وبعد كده لقيت في حد بيجرى عليا وبيزعق وقفت علشان خلاص كان نزل دم من راسه كثير ومن ودانه
ووقتها أتأكدت أن هو توفى و فضلت واقف فوق اللودر وبعدها لناس نزلتي ودخلونى في العمارة لحد ما الأمن جه وفضل يستجوبني ولما سألوني خبطة قولت أه خبطته قالولي عن قصد قولتلهم أة عن قصد ولما سألنى ليه قولتله علشان أنا حسيت أن هو كان عايز يمشينى من الموقع أو يموتني .
