موقع صوت المسيحي الحر

العودة الى الرئيسية

بعد مرور ما يقرب من عامين علي المؤتمر الاقتصادي بشرم الشيخ ننشر لكم اقوي تقرير يرد علي ادعاءات فشل المؤتمر

منذ 1 اسابيع November 14, 2017, 7:45 pm



لما كنت بسمع من كارهى الوطن ان مؤتمر شرم الشيخ الاقتصادى مارس 2015 فشل وانه كان فنكوش والكلام اللى مش وراهم غيره دا عادى مكنتش بتأثر بس اما سمعته من ناس المفروض انهم مؤيدين للدوله المصريه اصريت انى اعمل تقرير عن المؤتمر "الناجح بكل المقاييس" ونعمله كشف حساب عالسريع كدا

مؤتمر شرم اتوقع فيه مجموعات مشروعات عالميه ابرزها العاصمه الاداريه الجديده مع الامارات - قطار العاصمة الاداريه مع الصين - محطات سيمنس 14.800 ميجا مع المانيا - واحة اكتوبر - مدينة الشمس - تطوير ابار الغاز وحقول البترول ابرزهم مع اينى الايطاليه وبى بى البريطانيه - مزارع رياح - محطات طتقه شمسيه

فالاول كدا المؤتمر اتمضى فيه "مزكرات تفاهم" مش عقود تنفيذ المزكرات قدرت ب100 مليار دولار تقريبا بجانب 12.5 مليار مساعدت خليجيه لمصر و5 مليار دولار قروض ومنح

ال100 مليار دولار كان منهم مزكره العاصمه الاداريه الجديده ب45 مليار دولار بعد المؤتمر وبعد ما مضينا مزكره التفاهم مع العبار وشركة اعمار الامارتيه عرفنا انهم هيمولو العاصمه من داخل مصر يعنى قروض من بنوك مصريه مش هيدخلو بفلوسهم قولنالهم لا شكرا وفسخنا المزكره عملنا تصميمات جديدة للعاصمه بشركه مصريه ومهندسيين وشباب مصريين ونفذو تصميم للعاصمه على على مستوى وقدموه للرئاسه وافق الرئيس على بعض التصميمات ولغى بعضها وبالفعل اسسنا شركه العاصمه الاداريه الجديده براس مال 6 مليار جنيه من جيب الجيش المصرى وهيئه المجتمعات العمرانيه وبدانا ننفذ البنيه التحتيه الطرق والكبارى ووصلنا المرافق على اعلى مستوي وصله العالم فى تنفيذ البني التحتيه للمدن لانها هتكون مدينه ذكيه بدون الدخول فى تفاصيل مش مجال ذكرها حاليا فالاخر العاصمه بتتعمل وتتنفذ على احدث مستوى واستقبلنا استثمارات بمليارات فيها وبداو ينفذو شغلهم علة 1000 فدان ريعناهم ب 10 مليار جنيه ل6 شركات مصريه و لو هنقول عشرات الشركات واقفه طوابير عشان تاخد قطعه ارض وتنفذ مشاريع مش هنبالغ ومنهم شركه اعمار مصر الاماراتيه لصاحبها العبار عايز يشتري 1500 فدان .

الباقى بنتكلم فى 3 محطات عالميه لتوليد الكهرباء مع شركة سيمنس الالمانيه كل محطه فيهم هتولد 4800 ميجا وت ما يعادل انتاج 2.5 من السد العالى باجمالى 14800 ميجا يعني 60% من اللى مصر كانت بتولدهم عام 2014 المحطات ال3 باحدث تكنولوجيا توليد وتبريد وصلها العالم بتكلفه 12 مليار دولار تقريبا فى 3 محافظات الاولى فى مدينه البرلس بمحافظه كفر الشيخ علشان تخدم على المدينه العالميه اللى هنقيمها فى كفر الشيخ باستثمارات 200 مليار جنيه و المحطه التانيه فى محافظه بنى سويف لتخدم شمال الصعيد والنهضه الصناعيه المنتظره بالاخص بياض العرب فى بنى سويف ومحافظه الفيوم المحطه التالته فى العاصمه الجديدة عشان تخدم المدينه العالمية دى طبعا المحطات اتنفذت وفتحنا اول مرحله من المحطات ال3 نزلت لهم الالمانيه ميركل وفتحتهم مع الرئيس السيسى فى مارس 2017 وقريبا المرحله التانيه هيتم افتتاحها

قطار العاصمه الاداريه ب2 مليار دولار تقريبا مع شركة صينيه دا قطار كهربائى على اعلى مستوى طبعا بعد مزكرة التفاهم فى المؤتمر بدانا التفاوض على التفاصيل الماليه والفنيه والمفاوضات تجمدت سنه بحالها وبعدين الرئيس فى زيارته للصين رجع المفاوضات واتفقنا على كل التفاصيل وخلال اسابيع هيتنفذ القطر فى مده 30 شهر

بنتكلم فى مجموعة مشاريع عمرانيه كان ليها نصيب الاسد فالمؤتمر
مشروع ل تحالف "ماونتن فيو" المصرية، وسيسبان السعودية فى مدينة القاهرة الجديدة، على مساحة 500 فدان فى القاهرة الجديدة بإيرادات متوقعة 35 مليار جنيه حصة الدولة منها فى حدود 40%، والمشروع الذى يخطط ذات التحالف لتنفيذه فى مدينة السادس من أكتوبر، على مساحة 470 فدانا بإيرادات متوقعة فى حدود 26 مليار جنيه، بالإضافة إلى مشروع تحالف شركتى وادى دجلة والمستقبل للتنمية العمرانية لتطوير 545 فدانا فى مدينة "مستقبل سيتى" ال3 مشروعات بتكلفه 170 مليار جنيه

العقد الرابع يخص مشروع الـ500 فدان (مليون و100 ألف م2) بالمشاركة مع شركة "بالم للاستثمار والتنمية العقارية – بالم هيلز للتعمير"، لتنفيذ مشروع عمرانى متكامل وخدمى بالقاهرة الجديدة باستثمارات حوالى 35 مليار جنيه، حصة هيئة المجتمعات العمرانية الجديدة 42% من إجمالى إيرادات المشروع بما لا يقل عن 14.7 مليار ج

ابار الغاز اللى كان ليها النصيب الاكبر من الاستثمارات بقيمه 21 مليار دولار هنتكلم عن ابرز اكتشاف وهو لشركة اينى الايطالية اللى اكتشفت حقل ظهر الاكبر فى المتوسط وواحد من اكبر الابار فالعالم باحتياطى 30 تريليون . طبعا الشغل هناك ناااار واول مرحله من البير هتدخل الشهر الجاى.

بجانب مجموعه محطات شمسيه ومزارع رياح ابرزهم محطه بنبان الشمسيه الاضخم فالعالم ب2000ميجا وت فى اسوان

فيه مشروعات متنفذتش اه اكيد فى مزكرات تفاهم معرفناش نحولها لعقود لاسباب كتير معجبناش عروضهم الماليه والفنيه او متفقناش على النسب المحدده او تمن تعريفه الكهرباء اللى هنشتريها من محطاتهم اللى كانو هيعملوها ف مصر دا مش معناه ان المشروعات اتلغت لا هتتنفذ بطرق اخرى المشاريع اللى اتلغت مزكراتها
"مشروع سياحى فى مارينا - محطه كهربا فحم مع الامارات - اتفاق مع دونج الصينيه و الهارجى السعودية والسكه الحديد الايطاليه - مركز لوجيستى فى دمياط مع الصين - محطه كهرباء فحم مع بنش مارك المصريه "

الكلام عن فشل المؤتمر كلام ساذج خارج من شويه حقاد تمنوا فشل المؤتمر ف كدبو الكدبه وصدقوها او من شويه عيال جهله قاعدين فالبيت وميعرفوش ايه المجهود اللي تم لتحويل المزكرات لعقود نهائيه كان المفروض المؤتمر يكون دورى وسنوي لكن حادث الطياره الروسيه اصاب مصر بالشلل التام والمؤتمر هيرجع تانى يناير القادم فى مدينه الغردقة لكن هيكون نسخه للصعيد فقط هنقدم فيه عشرات المشروعات العالميه اللى هتخدم صعيد مصر كل محافظه انتهت من تحضير المشروعات والفرص بتاعتها والمؤتمر هيكون اكثر نجاحا بالاخص بعد الاصلاحات الاقتصادية والحاله الامنيه اصبحت اكثر امانا والدولارات اصبحت متوفره فالبنوك بكثره بجانب البنيه التحتيه اللى خلصت فى ال3 اعوام بين المؤتمرين

ولو كان مؤتمر شرم فشل بعد كل المشروعات اللى بتتنفذ دى ف اتمنى ان كل مؤتمرتنا تلاقى نفس الفشل دا :) .
#مؤتمر_شرم_الاقتصادى مارس 2015
#مؤتمر_الغردقه_الاقتصادى يناير 2018

نقلا عن موقع التواصل لاجتماعى فيس بوك


كن أول من يعلق علي الخبر
كتب بواسطة MrmrKero
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.