موقع صوت المسيحي الحر

العودة الى الرئيسية

محمد فتحى يكتب .. ( كنايس مهجورة و صلبان مكسورة )

منذ 1 اسابيع November 14, 2017, 8:01 pm



( كنايس مهجورة و صلبان مكسورة )

الحكاية بقت فوق الوصف
حقيقى أغرب من الغرابة
بنات عمالة تتخطف خطف
من بشر تدى لأبليس قرابة

كنايس عمالة تتقفل و تتهجر
غير اللى قطعت مياه و نور
ده غير كمان اللى بتتفجر
و الدم اللى زى البحور

ليه المسيحى حقه بيضيع
بالبلدى مالوش اى حقوق
إرهاب بيشترى فيه و يبيع
خلا الواحد منهم مخنوق

تحس تملى الإرهاب
اللى واخدهم مقاولة
بيدبحهم من غير أسباب
و عامى عينين الدولة

الظالم عقله مش مختل
دى قصص وهمية و فبريكا
لو فعلا عقله كان قل
كان قتل فيا و دبح فيكا

الحكاية حكاية شيطان إبليس
ميعرفش للمحبة اى بلاد
سكن فى كل إنسان خسيس
ملا قلبه كره و سواد

ناس عايش فيهم شيطان
ميعرفوش ابدا للخير ملاك
حابسهم بين أربع حيطان
أتنين كراهية و اتنين هلاك

شيطان الفتنة تملى عفريته
يسمع صوت جرس الكنيسة
إلهى يارب تخرب بيته
اللى مليان فتن رخيصة

مهما طالت هينكسر مجدافك
يالى واخد من الشيطان صورة
خلاص واضحة و باينة أهدافك
كنايس مهجورة و صلبان مكسورة

ليه بتتجن من الصليب
أحترم مقدسات غيرك
بجد عيب و 1000 عيب
كرهك و شرك و تكفيرك

كلمات : محمد فتحى


كن أول من يعلق علي الخبر
كتب بواسطة MrmrKero
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.