البحث

محمد فتحي يكتب | هيفضل صليبك دايما مرفوع

منذ 10 شهر
September 24, 2018, 12:00 pm
محمد فتحي يكتب | هيفضل صليبك دايما مرفوع

محمد فتحي يكتب | هيفضل صليبك دايما مرفوع  

( هيفضل صليبك دايما مرفوع )

ملاقوش في الكنيسة عيب
قالوالها أنتي فين رخصتك
نارهم قايدة من الصليب
من الجهل ميعرفوش قصتك

ميعرفوش أنك واصلة للسما
و رخصتك جاية من فوق
ناس ماليها الكره و العما
بس مسيرها يوم تفوق

كتر 1000 خيرك يا كنيسة
أتحملتي ياما فوق طاقتك
عارفة ليه شايفينك رخيصة
لأنهم مشافوش بطاقتك

هيفضل صليبك دايما مرفوع
مش ممكن أبدا في يوم يميل
أنا مسلم بقولها بصوت مسموع
حامي القرأن هو رب الأنجيل

يا كنيسة علي المصريين غالية
اللي حاميكي أسمه رب رحيم
أنتي مكانتك في السما عالية
أنما أعدائك مكانهم في الجحيم

تعيشي يا كنيسة تعيشي
أحنا المسلمين أحبابك
في لحظة الأرهاب متخافيشي
هتلاقينا بروحنا علي بابك

أنتي متهونيش أبدا علينا
لأنك زيك زي الجامع
حبك عمال يجري فينا
بس القلب عليكي دامع

أنتي حمايتك أصلا ربانية
أنا محمد كمان و أفديكي
الأسد قاعد في المطرانية
محدش يقدر يقرب ليكي

كلمات : محمد فتحي
















شارك بتعليقك
فيسبوك ()



احجز الان فى العاصمة الجديده تليفون 00201123000014

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.