البحث

عبير صلاح تكتب انا بحمد ربنا اني ما كنتش طفلة مسيحية

منذ 10 شهر
November 11, 2018, 2:15 pm
عبير صلاح تكتب انا بحمد ربنا اني ما كنتش طفلة مسيحية

مواضيع عامة 
عبير صلاح 
يعني
طفل صغير كل حصة دين ياخد كتابه ويخرج برة فصله في البرد والمطر والحر والشرد في اي
مكان علشان ياخد حصة الدين بتاعته اللي بيدرسهاله اي حد مسيحي في المدرسة حتى لو اداري
ولا مدرس مش متخصص في الدين
يعني
ممكن يقابل زمايل اهلهم ربوهم على الكراهية البغيضة للاخر مايردوش يلعبوا معاه او ياكلوا
من اكله لانه ببساطة مسيحي .
يعني
يسمع السخرية على دينه بودنه من زمايله وهم بيقولوا عضمة زرقاء و4 ريشة ( قصدهم الصليب
) وما يقدرش يرد لانهم اكتر منه في العدد
يعني
لو بنت مسيحية وزميلتها بتفك الحجاب ادام البنات كلها واول ما تدخل عليها تغطي شعرها
كانها راجل او انسان غريب لانهم فهموها انه حرام .
يعني
كل جمعة تسمع دعوات شيوخ جهلاء عليك وعلى اهلك وعوات لتكفيرك وتستحل مالك وعرضك وماتقدرش
تتكلم ( وحصل )
يعني
ممكن طائفة ارهابية تدعي الاسلام تهجم عليك وعلى بيتك وتقتل اهلك وتسرق محلك او تهجرك
من قريتك وارضك وبيتك ويعتدوا على اهلك من النساء ويجردوهم من ملابسهم وانت ساكت ومغلوب
على امرك ( وحصل )
يعني
لو كبرت ودخلت الجيش واستشهدت في سبيل بلدك وارضك وعرضك تلاقي حد بيشكك في شهادتك ومستخسرها
(وحصل )
الحمد
لله ان منح الشهادة او منعها مش بإيدهم وفي ايد ربنا وحده يمنح شرفها لمن يشاء . وربنا
اسمه العدل وعمره ما هيظلم زي البشر .
يعني
يكبر يوم ورا يوم وسنة ورا سنة سنين طويلة والكنيسة اللي بيصلي فيها مش عارفة تاخد
موافقة بتجديد مبنى او حتى حمام ( وحصل قبل القانون الجديد )
يعني
نكون بنصلي في عيدنا وناس تفجرنا بمنتهى السهولة باي غرض ديني او سياسي .
اقولكم
على حاجة . انا بحمد ربنا اني ما كنتش طفلة مسيحية . مش علشان الاسلام على حق و المسيحية
ﻷ .
ﻷ خااالص
مش كدة. لان ربنا هو اللي هيحكم بين البشر يوم القيامة . لكن علشان ما أمرش باللي مر
بيه اي طفل مسيحي
انتوا
عارفين مين اللي قالقني من كتابة البوست دة ؟؟ مش المسلمين المتشددين لا خالص .
انا
خايفة من المسيحيين الوطنيين المخلصين الجدعان اوي اللي ممكن يتهموني اني بجدد جروح
قد تضر بأمن الوطن في الفترة الحالية . وان دة مش وقته . هم دول اللي انا عاملة حسابهم
وبعتذر لهم لانهم عندهم حق . بس دي كمان شهادة حق وكانت لازم تتقال . لازم يعرفوا ان
لهم اخوات حاسين بيهم وبمواجعهم وبيطبطبوا عليهم ويقولوا لهم جرحكم جرحنا ومعانتكم
وجعتنا .
ياريت
نتحمل اخواتنا لو يوم غضبوا لدم ولادهم واخواتهم اللي سال يوم عيدهم .
وفقدوا
احبابهم حتى لو جرحونا في غضبهم لازم نتحملهم .
لو موقفناش
جنب بعض واتحملنا بعض في الازمات هنقف ونتحمل امتى ؟؟ حط نفسك مكانهم هتلاقيهم اهدى
واحسن منك كمان لو كنت انت في مكانهم .
ليتنا
جميعا نصلي نفس الصلاة ونردد معا نفس الدعاء رددوا جميعا معي وبصوت مرتفع مسيحين ومسلمين
فلنقل جميعا :
“لكِنِّي
أَقُولُ لَكُمْ أَيُّهَا السَّامِعُونَ: أَحِبُّوا أَعْدَاءَكُمْ، أَحْسِنُوا إِلَى
مُبْغِضِيكُمْ،
بَارِكُوا
لاَعِنِيكُمْ، وَصَلُّوا لأَجْلِ الَّذِينَ يُسِيئُونَ إِلَيْكُمْ”
آمين
.
وقال
الله في كتابه العزيز
وَلَتَجِدَنَّ
أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُواْ إِنَّا نَصَارَى
ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لاَ يَسْتَكْبِرُونَ”
صدق
الله العظيم.
حفظ
الله مصر واهلها المسيحيين والمسلمين فنحن جميعا اخوة ابناء وطن واحد . 
  العربى اليوم 















شارك بتعليقك
فيسبوك ()



احجز الان فى العاصمة الجديده تليفون 00201123000014

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.