البحث

قصه حصلت بالفعل .. عجبان الجربان كان ابونا بيفتقد كل البيوت وراح يفتقد رجل غني وحصل انه شاف عنده عبد لونه اسمر اسمه عجبان

منذ 6 شهر
January 12, 2019, 12:11 am
قصه حصلت بالفعل .. عجبان الجربان كان ابونا بيفتقد كل البيوت وراح يفتقد رجل غني وحصل انه شاف عنده عبد لونه اسمر اسمه عجبان

قصه حصلت بالفعل عجبان الجربان كان ابونا بيفتقد كل البيوت وراح يفتقد رجل غني  وحصل انه شاف عنده عبد لونه اسمر اسمه عجبان  

 

قصه حصلت بالفعل 
عجبان الجربان
كان ابونا بيفتقد كل البيوت وراح يفتقد رجل غني 
وحصل انه شاف عنده عبد لونه اسمر اسمه عجبان 
عمال يشتغل بكل طاقته وكانه بيموت نفسه في الشغل
فقاله ابونا يا بني يا عجبان اللي ما يخلصش النهاردة يخلص بكرة يا ولدي لأحسن يحصلك حاجه 
قاله لا يا ابونا انا لازم افرح قلب سيدي اصلك ما تعرفش عمل معايا ايه
يا ابونا انا كنت اصلي عبد واحد تاني وكان بيقولي يا عبد يا اسود
وكان بيضربني ويحرجني وجالي مرض دمامل في جسمي فقالي هأبيعك يا عبد يا اسود واخلص من قرفك وراح السوق يبعني ووقفت ويا صفوف العبيد
وعدي عليا سيدي اللي اشتراني طلب مني أتقدم خطوة 
فقلت يا سوادك يا عجبان تلاقية قالك اتقدم خطوة علشان يخرجك من الصف ويشتري الصف كله 
لكن اللي حصل انه طلب يشتريني انا بوحشتي ومرضي 
سيدي الاولاني قاله ده وحش قاله عجبني
قال ده عندة دمامل وهيبوظلك فرشة السرير اللي هينام عليها قاله برده عجبني
قاله مرضه معدي وهيعديك قاله بردة عجبني
قاله ده ريحته وحشه جدا ويقرف الكلب قاله برده عجبني 
قاله طب انا هبيعه ب دينار احمر قاله وانا هشتريه
مع ان تمن العبد مش غالي كده ودفع فيا التمن
وقالي كلمه أول مره اسمعها 
قالي يلا يا بني
سيدي الاولاني كان بيقولي يا كلب يا جربان
لكن سيدي التاني قالي يا ابني 
عرفت لييييه لازم افرح قلب سيدي
قالة ابونا كفايه يا عجبان يا ابني قلبت علي المواجع
انت سيدك اشتراك بدينار احمر ومقدر الجميل 
وانا سيدي اشتراني بالدم الاحمر ومش مقدر الجميل
















شارك بتعليقك
فيسبوك ()



احجز الان فى العاصمة الجديده تليفون 00201123000014

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.