البحث

الأنبا مكاريوس ميعرفش التضليل .. بقلم محمد فتحى

منذ 7 شهر
January 15, 2019, 7:43 pm
الأنبا مكاريوس ميعرفش التضليل .. بقلم محمد فتحى

 

 

 

 

( مدرسة البابا شنودة )

الأنبا مكاريوس ميعرفش التضليل
سامع ولا مش سامع يا باز
أنت اللى تعرف النفاق و التنكيل
سيدنا واضح و ميعرفش الألغاز

الأنبا مكاريوس أبن بار
فى مدرسة البابا شنودة
مدرسة أهلها كلها أخيار
بالخير دايما سيرتهم موجودة

نيافته منبع محبة و سلام
أبن بقى شارب من أبوه
يا باز كفاية هرى و كلام
سيدنا كل الناس بيحبوه

متعلم فى كتابه أنجيله
الخير و التواضع و البر
عدوه كمان بيصليله
ميعرفش أبدا أيها شر

سيدنا مالوش مثال ولا وصف
بيقابل الشر دايما بالخير
ميعرفش غير السلام و العطف
راجل محبة قلبه كبير

فى حقه الشخصى بيسامح
لكن ميفرطش فى حق الأقباط
سيدنا فى صورته أجمل ملامح
عصفور حاضن ولاده تحت الباط

أتعلم فى مدرسته الشجاعة
حتى الحكمة و البساطة
أتعلم من أبوه الوداعة
ولا يردش على الناس الغلاطة

الأنبا مكاريوس مستحيل يتكرر
زى قداسة البابا شنودة الثالث
فى عز ما كان بيتهان و يتمرر
كان فى الحكمة دايما فارس

دى أجيال و بتسلم بعضها
من أيد لأيد دايما أمينة
الناس دى هنفضل نحبها
لأنهم بيحبوا محمد زى مينا

عاش الأنبا مكاريوس عاش
رمز المحبة رمز الطيابة
ده إحنا كمان مبننساش
البابا شنودة أعظم بابا

كلمات : محمد فتحى

   















شارك بتعليقك
فيسبوك ()



احجز الان فى العاصمة الجديده تليفون 00201123000014

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.