البحث

تابعنا على

العودة الى الرئيسية

صحيت على كارثة .. بقلم كيرلس فتحى

منذ 1 شهر
January 17, 2019, 6:52 pm
صحيت على كارثة .. بقلم كيرلس فتحى

صحيت على كارثة بقلم كيرلس فتحى

إنهرده صحيت الساعه ٧ الصبح على صوت كركبه شديده فى الشارع ، طلعت البلكونه لاقيت الدنيا خربانه الهوا شايل أى حاجه فى وشه ، هدوم عالمنشر بتطير ، فروع الشجر بتتكسر ، عواميد النور هاتتخلع من شدة الهوا
دخلت الأوضه وانا بتكتك من البرد جبت بطاطين البيت كله واتغطيت بيها ، وبردو لسه بردان كل ماسمع صوت الهوا أبرد أكتر بالرغم إنى متغطى كويس جدا بأكتر من بطانيه ومقفل شبابيك الأوضه كويس
لكن الفكر والخيالات هنا كان ليهم دور كبير جدا فى عدم سلامى الداخلى
الموقف ده لفت إنتباهى لحاجه مهمه جداااااا
كام مره تمر بمشكله وتلجأ لربنا وتقرأ وعوده وتسمع عظات عن الطمأنينه وان ربنا هايحل مشاكلك فى الوقت المناسب
لكن من جواك قلقان ومش حاسس بسلام داخلى
بالبلدى كده لسه بردان ومش حاسس بالدفى برغم كل كلام ربنا اللى بمثابة البطنيات اللى تحميك من قساوة برد الزمن
عارف ليه ؟ 
لأنك مش قادر تقتنع ومش واثق ان ربنا اصلاً سامعك
حتى فى صلاتك بتصلى وانت مش واثق فيه اصلاً ، بتصلى بشفتيك بس ورامى ودانك لأصوات الرعد والبرق والهوا اللى بتخلع قلبك من الخوف
وبترجع وتقول انا عملت كل حاجه ولسه قلقان أكيد ربنا مش سامعنى
انت فعلا عملت كل حاجه إلا حاجه واحده وهى أهم حاجه الثقه بقدرة ربنا  
انا عارف ان موضوع الثقه ده مش ساهل بس عشان تثق فى ربنا لازم يكون بينك وبينه عشره قويه جدااا
ماهو ماينفعش تثق فى حد ماتعرفوش .
آية (مت 17: 20): فَقَالَ لَهُمْ يَسُوعُ: «لِعَدَمِ إِيمَانِكُمْ. فَالْحَقَّ أَقُولُ لَكُمْ: لَوْ كَانَ لَكُمْ إِيمَانٌ مِثْلُ حَبَّةِ خَرْدَل لَكُنْتُمْ تَقُولُونَ لِهذَا الْجَبَلِ: انْتَقِلْ مِنْ هُنَا إِلَى هُنَاكَ فَيَنْتَقِلُ، وَلاَ يَكُونُ شَيْءٌ غَيْرَ مُمْكِنٍ لَدَيْكُمْ. "
بقلم/#كيرلس_فتحى
أتمنى الرساله دى توصل لكل الناس جايز تكون تعزيه لحد واقع فى مشكله 













موضوعات مثبتة
شارك بتعليقك
فيسبوك ()
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.