البحث

أسوأ ليله فى حياتى .. الدكتور قالى انت لو كنت اتاخرت ربع ساعه زياده كان زمانك ميت بس انت إتكتبلك عمر جديد

منذ 10 شهر
January 18, 2019, 12:22 pm
أسوأ ليله فى حياتى .. الدكتور قالى انت لو كنت اتاخرت ربع ساعه زياده كان زمانك ميت بس انت إتكتبلك عمر جديد

 

 

أسوأ ليله فى حياتى الدكتور قالى انت لو كنت اتاخرت ربع ساعه زياده كان زمانك ميت بس انت إتكتبلك عمر جديد

أسوأ ليله فى حياتى
من يومين كنت مسافر بالليل الساعه ١٢ ، جهزت كل حاجه وجبت أكل عشان أكله فى الطريق لأنى ماكنتش واكل اى حاجه اليوم ده بسبب شغل كتير كان لازم أخلصه  
لسوء الحظ جانى تليفون من واحد صحبى كان بيكلمنى عن حاجات تخص الشغل والكلام خدنى معاه وإتاخرت على الأتوبيس ، قفلت معاه وبسرعه لميت حاجاتى وطلعت عشان الحق الأتوبيس الحمدلله لاقيته لسه هايتحرك لحقته فى أخر لحظه
وانا فى الاتوبيس كنت مقتول نوم من التعب لكن صحيت على ريحة ساندوتشات كانت مع راكب فى الأتوبيس ، قومت أطلع الأكل بتاعى وهنا بقى ظهرت المشكله الحقيقيه ، نسيت كيس الأكل  
فضلت قاعد وانا جعان جدااا وبتقطع من ريحة الأكل
مبدأياً كدا انا عدو أى حاجه فيها سكر حتى الفواكه المسكره مابكلهاش فا بالتالى ماعنديش أى مخزون سكر يشبعنى وقت الجوع
ماصدقت ان اول إستراحه جات ، الإستراحه كانت عباره عن مكان مهجور وسط الصحرا ، مافيهوش غير لمبه واحده ، وطرابيزه عليها كام باكو بسكوت وشبسى مردومين بسبب كمية التراب اللى عليهم ، وفاترينا زجاجها متكسر عليها لمبه محروقه بترعش واقف على الفاترينه راجل عجوز بيعمل كبده
ساعتها تلقائى بدون أى تفكير طلعت على الكبده بسبب ريحتها اللى لعبت على نقطة ضعفى (الجوع)ساعتها مافكرتش فى أى حاجه غير إنى أشبع جوعى وبس ، كنت شايف الكبده دى أجمل أكله فى الوجود
كلت ومليت بطنى ، وبعدها بنص ساعه بالظبط فقدت الوعى ، مافوقتش غير وانا فى المستشفى معمولى غسيل معده  
الدكتور قالى انت لو كنت اتاخرت ربع ساعه زياده كان زمانك ميت بس انت إتكتبلك عمر جديد
كتير مننا بيمر بحالات جوع لكن أصعب حالة جوع عرفها التاريخ هى الجوع العاطفى
فى ناس كتير بيكون عندهم حرمان عاطفى.
نفسهم يلاقوا حد يحبهم ويخاف عليهم ويهتم بيهم ويسأل عليهم كل شويه  
المفروض الحد ده يكون من جوه البيت الأب الأم الأخ الأخت المفروض يكونو بمثابة السكريات اللى تشبع عيالهم وخصوصاً البنات وسط جوعهم، بدل ما يلجأوا لحلول خارجيه
على فكره انت لو مقدمتش الحب والإهتمام الشديد لبنتك او اختك أو حتى شريكة حياتك ساعتها بتكون مُعرضه انها تصبح صيده سهله للذئاب البشريه
رساله لكل أب وأم أو أخ كبير أو أخت كبيره 
لو ربنا رزقك بنت 
إهتم بيها ، دلعها وأحكى معاها دايماً، خليك مُقرب جداً ليها ، خليك الحضن الحنين اللى يطبطب عليها ويسمعها ويحل مشاكلها ، خليها تلجألك أول واحد وسط ضيقها وسقوطعا من غير ما تخاف منك
خلى بالك بنتك لو لقيت الحب بره البيت ، أنت أول واحد هاتخسر
كن بمثابة الحلوى اللى تشبع بنتك وسط جوعها بره البيت
المغريات بره قويه جدااااااا 
بقلم/#كيرلس_فتحى 
أتمنى الرساله دى توصل لكل الناس
















شارك بتعليقك
فيسبوك ()



جون المصرى و;كشف حقيقة محمد على بعد حوار البى بى سى

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.