البحث

محمد فتحى يكتب ..( يضطهد المسيحى و يحب وطنه )

منذ 10 شهر
January 26, 2019, 10:38 am
محمد فتحى يكتب ..( يضطهد المسيحى و يحب وطنه )

أنا المسلم اللى شايف المسيحى دايما جاهز بكفنه بقولها و أنا مش خايف يضطهد المسيحى و يحب وطنه أنا اللى تملى دايما عارف أن المسيحى متحمل لإرهاب و عفنه ينضرب بأيادى نجسة خسيسة ولا عارف حتى أيه الأسباب أيادي ملهاش تمن رخيصة ماليها ظلم و غل الإرهاب ده ربنا حامى الكنيسة منكم يا رمم يا كلاب ماريان من أهلها مخطوفة مع أنها من السهل ترجع الأيادي الخاطفة معروفة لكن ولا حد بيهتم و يسمع كلمة الحق دايما محدوفة أصلها دايما فيكم بتوجع الأم تتعري و جسمها يبان عادي جدا الناس بتتفرج فين النخوة يا راجل يا مان لما من جوة هدومها تتخرج أعتبرها أمك دي اللي بتتهان بدل ما أنت واقف و بتهرج البارومي حتي راح ضحية مع أنه جنسيا عاجز ينقتل المسيحي و مالوش دية لا عدل ولا حد ناجز ليه دايما في أخر المسرحية المسيحي مربوط ب ألف حاجز ليه المسيحي دايما مقهور مع أنه دايما بيحب الجميع قلبه تملي مليان بالنور بيحب أحمد و كمان ربيع ليه دايما قدامه سور بيخلي حقه دايما يضيع ليه المسيحي مش واصل لكل المناصب الحساسة ليه بينه و بينهم دايما فاصل حد يقولي بس أزاي متقاسة ليه بس يعني ده كل حاصل كفاية بقي لحد كده تعاسة ليه المسيحي محروم من الكورة مع أنه في الملعب واد لاعيب ليه حقوقه دايما مكسوووورة أكمنه معلق و داقق صليب أمتي بقي تتغير دي الصورة أصل كده بجد ده أكبر عيب كلمات : محمد فتحى
















شارك بتعليقك
فيسبوك ()



جون المصرى و;كشف حقيقة محمد على بعد حوار البى بى سى

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.