البحث

تابعنا على

العودة الى الرئيسية

اشد رد على ما يحدث من ترويج لقضية منى فاروق و شيماء الحاج التى هزت السوشيال ميديا هذة الايام نرجو المشاهدة و القراءة... فيديو

منذ 2 شهر
February 12, 2019, 6:08 pm
اشد رد على ما يحدث من ترويج لقضية منى فاروق و شيماء الحاج التى هزت السوشيال ميديا هذة الايام نرجو المشاهدة و القراءة... فيديو




مواضيع عامه 

اشد رد على ما يحدث من ترويج لقضية منى فاروق و شيماء الحاج التى هزت السوشيال ميديا هذة الايام نرجو المشاهدة و القراءة. فيديو

 

كتبت م ن لصوت المسيحى الحر 

 

الايام ده قضية منى فاروق و شيماء الحاج حديث الساعه الموضوع اتحول من قضية لفضيحة و سمعت بنات و عائلات الكل بينهش فيهم 

الكل بيقول ما هما بنات قليله الادب و عملت كده تمام عملوا كده و غلطوا و اعترفوا بغلطهم مش لازم كل الى بيحصل ده 

 

الكل بيتكلم عن  الموضوع ده دون اي احترام للانسانيات ولا للدمار الي هيسببه الى بيحصل ده  للبنت ولعائلتها واللي حواليها 
البنت غلطت واعترفت مهما كان غلطها كبير او صغير 
كانت متجوزة عرفي فعلا او لا كانت تحت تأثير الخمرة او لا 
فـ في الاول والاخر هو غلط و عملت خطا كبير وهي اعترفت بيه ومأنكرتش وواجهته وندمانة وبتترجى الناس كمان تستر عليها .

قريت فى الكتاب المقدس  ان المسيح لما جابولوا امرأة زنت وقالوله احكم  علشان يختبروه ويوقعوه في الكلام 
قال كلمة منتهى العبقرية " من كان منكم بلا خطيئة فليرمها اولا بحجر " 

"وَلَمَّا اسْتَمَرُّوا يَسْأَلُونَهُ، انْتَصَبَ وَقَالَ لَهُمْ: «مَنْ كَانَ مِنْكُمْ بِلاَ خَطِيَّةٍ فَلْيَرْمِهَا أَوَّلًا بِحَجَرٍ!»" (يو 8: 7)

 

يروى أن جماعة متعصبة من الكتبة قبضوا على امرأة متلبسة بخطيئة، الزنى فأحضروها إلى السيد  المسيح و قالوا له قالوا له يا معلّم هذه المرأة أمسكت وهي تزني في ذات الفعل  ليروا حكمه عليها، وكان في حكم الشريعة اليهودية  يجب رجمها، لكن المسيح قال لهم: «من منكم بلا خطيئة فليرجمها بحجر»، 

" فمضى كل واحد الى بيته "

خرجوا  واحد وراء الاخر الجميع تركوا المكان  وبقي يسوع وحده والمرأة واقفة في الوسط  قال لها: «أما أدانك أحد»، فقالت: «لا يا سيد»، فقال لها: «ولا أنا أدينك، اذهبي بسلام ولا تخطئي أيضاً».
الناس كلها مشيت  ، تفتكروا ليييييه ؟ 


لانك انت وانا وانتي وهي و هو و كلنا بنغلط بس الفرق إن " منى فاروق " اتصورت و كلكوا شاركتوا ف نهش لحمها على العام وتريقة وكلام قاسي .
محدش سأل نفسه سؤال : كام واحد في مصر

*بيتحرش بس ربنا ساتره !! 
*بيمارس العلاقة الجنسية غلط مع اي حاجه ( بنت راجل حيوان نبات ) بس ربنا ساتره!! 
*بيتقصص عورات الناس بس ربنا ساتره !!! 
*بيغتاب وبيهتك عرض الناس في بيوتها بس ربنا ساتره !!!
*بيسرق في شغلة بس ربنا ساتره !! 
*بيشهد زور وبينافق بس ربنا ساتره !!! 
كل دي افعال لا تقل عن اللي عملته منى فاروق
تقريبا البلد كلها بتعمل الكلام الي فوق دا . 
يبقى نسكت ونستر وكفاية بقى كلام في الموضوع ده لان لو جالك يوم واتحطيت فموقف فضيحه زي كدا انت ممكن تموت من الضغط النفسي الي هتتحط فيه انتوا مش ملايكة ماشية على الأرض .
ارحموا من في الارض يرحمكم من في السماء 
--
قد إيـه نعمة الستـر دي حـاجه كبيـره أوى إحنـا مش حـاسييـن بيهـا فعـلا ،

لكن الانسان الى بيقع فى الخطيه  محـدش بيـقدر يستـره وكلـه بينهـش فيـه !

والكل ينسى نعمة الستر الى ربنا ساتر عليه 
إحنـا كلنـا عيـوب كتيـره جـدااا بس الفـرق بينـا وبينـهـم إن إحنـا لسـه لينا رصيـد ستـر عنـد ربنـا

خاف من اليوم الى ربنا ممكن يرفع عنك ستره ساعتها افتكر انك مش سترت على غيرك و نهشت فيه 


يا رب اغفر لنا و استرنا و علمنا نستر على غيرنا 











شارك بتعليقك
فيسبوك ()
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.