البحث

محمد فتحى يكتب .. ( الكنيسة مش بيت كفار )

منذ 7 شهر
February 22, 2019, 11:29 am
محمد فتحى يكتب .. ( الكنيسة مش بيت كفار )

محمد فتحى يكتب ( الكنيسة مش بيت كفار )

 

( الكنيسة مش بيت كفار )

الكنيسة مش بيت كفار
يالى بسلاحك عمال تفجرها
ليه ما بينك و بينها تار
قولى أنت ليه هدفك تدمرها

الكنيسة دى بيت صلاة
صوتها واصل للسما
بتنطق تملى أسم الله
من غير كره ولا عمى 

بابها مفتوح للعبادة
صلاواتها مش بتنام
شموعها دايما متقادة
بكل محبة و سلام

بتدعى لمصر بكل خير
بتصلى لأجل كل الشعب
بتقول أنا ليا رب كبير
قادر يمحى كل الصعب

جرسها لما صوته بيرن
تحس أن فيه نبرة
عمالة تصلى و تحن
أهدى يارب الجبابرة

حيطانها ماليها النور
أرضها بالمحبة مروية
متعرفش أى شرور
بالخير عايشة قوية

عمالة كتير بتتحارب
ولا بتصرخ ولا بتتألم
ياما شافت تجارب
تخلى الحجر يتكلم

هتفضل الكنيسة متصانة
بيد من فوق سماوية
عليها دايما حصانة
أسمها اليد الألهية

كلمات : محمد فتحى
















شارك بتعليقك
فيسبوك ()



جون المصرى و العاصمة الادرية

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.