البحث

تم طردي من الكنيسة في مثل هذا السن (بيشوي ابني 9 سنوات) لأني دخلت الهيكل من الشمال فماذا حدث بعدها

منذ 5 شهر
March 28, 2019, 10:59 am
تم طردي من الكنيسة في مثل هذا السن (بيشوي ابني 9 سنوات) لأني دخلت الهيكل من الشمال فماذا حدث بعدها

 

مواضيع عامة 

 

 

تم طردي من الكنيسة في مثل هذا السن (بيشوي ابني 9 سنوات) لأني دخلت الهيكل من الشمال.
2 شمامسة كبار جرجروني من الهيكل و خرجوني بره الكنيسة قعدوا يشخطوا فيا جامد جدا و انا كنت خايف منهم و فضلت اعيط .( الله يسامحهم)
وقتها اعتقدت ان الله مش محبة
وقتها اعتقدت ان الله بيحب الطقس و السبت اهم من الانسان
وقتها اعتقدت ان الله رفضني
وقتها اعتقدت ان الله هينتقم مني لاني دنست هيكله و دخلت من الشمال.
و فضلت 30 سنة بعيد عن الشموسية و لا اخدم على المذبح
الى ان قابلت ابي الكاهن. رجل الله. صورة المسيح الحنون
ابونا قالي : تعال البس شماس معايا بكره
قلت له :ماينفعش بقالي 30 سنة لم البس شماس و ناسي كل حاجه
ابونا قالي: تعال بكره و انا هعلمك كل حاجه
و الصبح كان ابونا بنفسه بيدور لي على تونيه على مقاسي
البسني الحله الاولى
و فضل يعلمني و استحمل غبائي و جهلي و اخطائي
قبلني في بيت ابويا
و رجعت في حضن الاب
و من يومها و انا مش قادر اسيب المذبح
و فهمت يعني ايه كان ميتا فعاش كان ضال فوجد
و عرفت ان الله ابويا مش هو اللي طردني
الله عاوزني ارجع حضنه
الله كان حزين لحزني و كان يبكي لبكائي
و قال لي دمعك الهبني حزنك احزنني

و ما زال الاخ الاكبر موجود وسطينا
و مازالت غيرته على اموال ابيه و ورثه اهم من اخوه العائد من الموت

لا تكونوا معلمين كثيرين يا اخوتي
(كاثوليكون الابن الضال يعقوب 3)
بل دعوا الأولاد يأتون الي و لا تمنعوهم

و السبت لاجل الانسان
الله صلب لاجل الانسان
صلب لاجلي انا. ابنه الحبيب
#فيكتورلويس
















شارك بتعليقك
فيسبوك ()



احجز الان فى العاصمة الجديده تليفون 00201123000014

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.