البحث

شاهد .. إزاى تعمل تظلم لو أنت مستبعد من بطاقات التموين

منذ 1 شهر
September 29, 2019, 10:22 am
شاهد .. إزاى تعمل تظلم لو أنت مستبعد من بطاقات التموين


شاهد إزاى تعمل تظلم لو أنت مستبعد من بطاقات التموين


بعد إعلان وزارة التموين والتجارة الداخلية، فتح باب تقديم التظلمات للمستبعدين من بطاقات التموين، هنقولك تقدم طلبك فين ومين بيتعامل معاه وإيه اللى بيتم من خلال الفيديو التالى:
-  قدم التظلم لمكتب التموين اللى فى المنطقة بتاعتك، ومرفق بالمستندات المطلوبة الدالة على صحة البيانات.
-  المستندات المطلوبة بتكون على حسب نوع التظلم
-  لو مستبعد عشان مرتبك أو معاشك كبير بتجيب بيان مفرادات مرتب من جهة العمل أو التأمينات.
-  لو مستبعد عشان عندك سيارة أو أكتر بتجيب شهادة من المرور معتمدة تفيد امتلاكك لسيارة موديلها ايه أو لا تمتلك.
-  لو مستبعد عشان استهلاك كهرباء عالى فأنت محتاج بيان معتمد من شركة الكهرباء يفيد بمتوسط استهلاكك الشهرى.
-  لو مستبعد عشان فاتورة محمول عالية فأنت محتاج فواتير معتمدة من شركة المحمول بمعدل استهلاكك الشهرى
-  لو مستبعد عشان عندك أرض زراعية بتجيب شهادة معتمدة من الجمعية الزراعية التابعة ليك تفيد امتلاكك لأرض مساحتها كام أو لا تمتلك.
-  لو مستبعد عشان مصاريف مدارس ولادك عالية محتاج شهادة معتمدة من مدرسة أولادك تفيد بقيمة المصاريف السنوية المدفوعة.
-  لو مستبعد عشان جمارك عالية فأنت محتاج شهادة من مصلحة الجمارك تفيد بقيمة الجمارك المدفوعة .
-  لو مستبعد عشان ضرائب عالية فأنت محتاج شهادة معتمدة من مصلحة الضرائب تفيد قيمة الضرائب المدفوعة سنوياً.
-   المستندات بيتم إرفاقها بصورة البطاقة التموينية المراد تفعيلها .
-  بعد ما يستلم مكتب التموين التظلمات المقدمة من المواطنين بيسجلها على موقع تموين دعم مصر.
-  التظلم المسجل بيتم فيه توضيح "الرقم القومى ورقم المحمول، نوع التظلم، رقم البطاقة الذكية".
-  بعد ما يسجل مكتب التموين التظلم بيرسل الكشوف المعتمدة من رئيس المكتب إلى مديريات التموين ثم يتم إرسالها إلى الوزارة.
 

هذا الخبر منقول من : اليوم السابع

















شارك بتعليقك
فيسبوك ()



جون المصرى و;كشف حقيقة محمد على بعد حوار البى بى سى

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.