البحث

معجزة رائعة لمثلث الرحمات الانبا بيشوي بعد نياحته

منذ 1 اسابيع
November 5, 2019, 11:56 pm
معجزة رائعة لمثلث الرحمات الانبا بيشوي بعد نياحته

مواضيع عامة

معجزة رائعة لمثلث الرحمات الانبا بيشوي بعد نياحته

معجزه تفوق الخيال عملها ابي و سيدي الحبيب انبا بيشوي بعد نياحته .يوم الأحد بعد القداس لقيت ابونا صليب في كنيسه الملاك شيراتون بيقول لي عليها و انه هيبعثها لينا بصوت السيدة الي حصل معاها المعجزه : انا مش عارفه ابعثها بالصوت بس هكتبها لكم .بس قبل ما احكي هقول للناس التي لا تعرف سيدنا انه كان ابو الغلابه و كان بيخدمهم و اي حد منهم يلجاء له يقول لابونا صليب الملاك شيراتون ان يعطيه كل ما يحتاجه ،المعجزه هي ان في واحده بتخدم في كنيسه في شارع الترعه شبرًا اتزنقت في فلوس بعد نياحه سيدنا كان عليها إيصال امانه بعشر الآلاف جنيه و المفروض تسدده للمحكمة و الاه هتدخل السجن فذهبت لابونا صليب في الملاك شيراتون و طلبت من ابونا صليب مساعدته ان يعطيها الفلوس بس وقتها كان صعب لان بعد نياحه سيدنا لجنه الكنيسه وقفت كل المساعدات الي كان سيدنا بيعطيها لحد ما يجتمعوا فرد عليها ابونا صليب انه مش هينفع يعطيها المبلغ ده عشلن ظروف صعبه و الست رجعت البيت و قعدت تبكي و نامت خمس دقايق و عي بتحكي بصوتها انها شافت انبا بيشوي واقف في ظهر السرير و بيطبطب عليها و قال لها بتعيطي ليه ؟ قالت له ؛انها هتتسجن عشان إيصال امانه بعشر الألاف .سيدنا رد عليها قال لها ما تزعليش خذي سته الألاف جنيه و في قسيس هيعطيكي الف جنيه .فهي قالت له طب و الثلاثه الباقيين اعمل فيهم ايه ؟ قال لها روحي لابونا صليب في الملاك شيراتون و قولي له سيدنا بيقولك اعطيهم لي . و بعد ما استيقظت لقيت الفلوس السته الألاف جنيه في نفس المكان الي حطهم فيه .و مدام ناديه راحت فعلا لابونا صليب و حكيت له الي حصل و الظروف كانت اتحسنت و أعطاها باقي المبلغ و في قسيس اخر فعلا أعطاها الألف جنيه .حبيبي يا سيدنا شفاعتك تكون معانا .انت الان اقرب لينا من زمان .انا كمان حصلت لي معجزه تانيه قريب كان في موضوع مضايقني جدا و كنت بعيط جامد و نمت بس عشر دقايق و مش عارفه كان حلم و الاه حقيقه حلمت بسيدنا و رد علي في الحاجه الي تعبتني و قال لي رأيه عشان اهدي حتي بعد رحيله حاسيس بوجعي و بيجي يداوي جرحي .كل الكلام ده حقيقي وحصل و الي مش مصدق يروح يسال ابونا صليب في كنيسه الملاك شيراتون .في ناس ممكن مش بتصدق ده عشان مافيش عندهم إيمان او علاقه حقيقيه مع ربنا و القديسين بس هم موجودين معانا وحوالينا و حاسين بينا و شفاعتهم معانا .كم انت حلو و عظيم يا الله
 

















شارك بتعليقك
فيسبوك ()



جون المصرى و;كشف حقيقة محمد على بعد حوار البى بى سى

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.