البحث

بكلمات مؤثرة تحدثت دينا الشربيني عن هيثم أحمد زكي

منذ 1 اسابيع
November 8, 2019, 3:34 pm
بكلمات مؤثرة تحدثت دينا الشربيني عن هيثم أحمد زكي

كتبت- منى الموجي:
بكلمات مؤثرة، تحدثت الفنانة دينا الشربيني عن صداقتها بالفنان الراحل هيثم أحمد زكي، الذي غادر عالمنا قبل ساعات إثر إصابته بهبوط حاد في الدورة الدموية.
ونشرت دينا عبر حسابها الشخصي على موقع "إنستجرام"، صورة تجمعه بهيثم وبالفنانة ناهد السباعي، معلقة "أنا مبعرفش أكتب ولا عمرى كتبت بس أنا مش قادرة أصدق إني مش هشوفك تاني!! ولا هتكلمني في التليفون تاني وتقولي يالا نتقابل ولو مردتش عليك ألاقيك بعتلى مسدچ بتقولي طظ فيكي مش هكلمك تاني، وأول ما ابعتلك أقولك يا بني ملحقتش أرد ده التليفون رن مرتين تقولي خلاص امسحي المسدچ وكأني مبعتلكيش حاجة".
وتابعت "طول اليوم كنت بهرب من أني أصدق ان ده حصلك أنت يا هيثم لحد ما جيت أنام دلوقتي ومش هاين عليا أنام واحنا سيبينك لوحدك كنت دايما تقولنا كلنا اسألوا عليا لحسن أموت لوحدي و محدش يعرف. كنت طيب وجدع وحنين وعامل زي العيال الصغيرة".
وأكدت دينا "هيثم شاف أيام صعبة وضغط كبير من الناس وتنمر ومقارنة مش عادلة، وللأسف مشفش حب الناس ليه اللي احنا شايفينه دلوقتي"، مضيفة "نفسى نحب بعض كلنا ونخاف على مشاعر بعض، مش لازم نستنى حد فينا يموت علشان نفهم إن الدنيا مش مستاهلة أنا عارفه انك في مكان أحسن من اللي احنا فيه وسط حبايبك كان نفسك تروحلهم واديك رحت يا هيثم".
جدير بالذكر أن الفنان هيثم أحمد زكي رحل عن عالمنا عن عمر يناهز 35 عامًا، إثر تعرضه لهبوط في الدورة الدموية، ومن المقرر أن يُقام العزاء، مساء غدٍ السبت في مسجد الشرطة بالشيخ زايد.




نقلا عن مصراوي

















شارك بتعليقك
فيسبوك ()



جون المصرى و;كشف حقيقة محمد على بعد حوار البى بى سى

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.