البحث

شاف أيام صعبة ومقارنة مش عادلة .. شاهد دينا الشربيني عن هيثم أحمد زكي

منذ 1 اسابيع
November 8, 2019, 5:16 pm
شاف أيام صعبة ومقارنة مش عادلة .. شاهد دينا الشربيني عن هيثم أحمد زكي

"شاف أيام صعبة ومقارنة مش عادلة" شاهد دينا الشربيني عن "هيثم أحمد زكي"



بكلمات مؤثرة، تحدثت الفنانة دينا الشربيني عن صداقتها بالفنان الراحل هيثم أحمد زكي، الذي غادر عالمنا قبل ساعات إثر إصابته بهبوط حاد في الدورة الدموية.
ونشرت دينا عبر حسابها الشخصي على موقع "إنستجرام"، صورة تجمعها بهيثم وبالفنانة ناهد السباعي، معلقة "أنا مبعرفش أكتب ولا عمرى كتبت بس أنا مش قادرة أصدق إني مش هشوفك تاني!!، ولا هتكلمني في التليفون تاني وتقولي يالا نتقابل ولو مردتش عليك ألاقيك بعتلى مسچ بتقولي طظ فيكي مش هكلمك تاني، وأول ما أبعتلك أقولك يا بني ملحقتش أرد ده التليفون رن مرتين تقولي خلاص امسحي المسچ وكإني مبعتلكيش حاجة".
وتابعت "طول اليوم كنت بهرب من إني أصدق إن ده حصلك أنت يا هيثم لحد ما جيت أنام دلوقتي ومش هاين عليا أنام وإحنا سيبينك لوحدك كنت دايما تقولنا كلنا اسألوا عليا لحسن أموت لوحدي ومحدش يعرف. كنت طيب وجدع وحنين وعامل زي العيال الصغيرة".
وأكدت دينا "هيثم شاف أيام صعبة وضغط كبير من الناس وتنمر ومقارنة مش عادلة، وللأسف مشفش حب الناس ليه اللي إحنا شايفينه دلوقتي"، مضيفة "نفسى نحب بعض كلنا ونخاف على مشاعر بعض، مش لازم نستنى حد فينا يموت علشان نفهم إن الدنيا مش مستاهلة أنا عارفة إنك في مكان أحسن من اللي إحنا فيه وسط حبايبك كان نفسك تروحلهم وأديك رحت يا هيثم".
جدير بالذكر أن الفنان هيثم أحمد زكي رحل عن عالمنا عن عمر يناهز 35 عامًا، إثر تعرضه لهبوط في الدورة الدموية، ومن المقرر أن يُقام العزاء، مساء غدٍ السبت في مسجد الشرطة بالشيخ زايد.

هذا الخبر منقول من : مصراوى

















شارك بتعليقك
فيسبوك ()



جون المصرى و;كشف حقيقة محمد على بعد حوار البى بى سى

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.