البحث

آباء الكنيسه قالوا عنه كان طفل غريب عجيب منير يعشق الكنيسه والكهنه..من هو الطفل يوسف الذي جاء بمعجزة وسافر السماء في سن صغير

منذ 8 شهر
December 10, 2019, 10:59 pm
آباء الكنيسه قالوا عنه كان طفل غريب عجيب منير يعشق الكنيسه والكهنه..من هو الطفل يوسف الذي جاء بمعجزة وسافر السماء في سن صغير

يا ماما عاوز البس (تونية )
آباء الكنيسه قالوا عنه. كان طفل غريب عجيب منير
كل حياته ٤ سنين و٤ شهور
جه بمعجزه الهيه. أمه وهي حامل فيه الصفايح الدمويه تدهورت وعند الولاده جهاز رسم القلب صفر والدكتور قال تقريبا الطفل ميت
وتحدث المعجزه ويتولد يوسف سليم جدااا
أبونا موسي قال عنه دا ابن السما دايما يحب يتناول ودايما رحلات وعلطول معانا في المكتب كان غريب جدااا (بركه)
الطفل يوسف شنوده عادل
الميلاد ٢٠١٥/٢/٢٥. ملوي

الاب. محل اكسسوار موبيليا
الام خدام. كنيسه العدرا الصاغه
اخته. سوسنه. سنتين
حياته. حب الكنيسه والاباء الكهنه
الطباع هادئ وديع بشكل عجيب
الحضانه. شاااطر جدااا وموهوب
صفاته. بيصوم زي الكبار حتي صيام يونان حتي خميس العهد والجمعه العظيمه يقول انا صايم مش هاكل🙏🏼
كان طفل غريب محدش إشتكي منه أبداً وكان مطيع. ولازم يصلي قبل ما ينام 🙏🏼
يوسف وقع من بير السلم من الدور الرابع بالرغم انه هادي جداا وأمه كانت تحت وشافته قدام عنيها إتصلت بأبونا موسي قالتله حبيبك وقع قالها متخافيش وجه وخدوه المستشفي ومكنش فيه اَي اصابه 😭
يوسف كان بيقول نفسي البس توميه قصده البس تونيه. وفعلا لبسها وكان كفنه لدرجه تاسوني شافته في التلاجه وقالت زي الشهيدأبانوب ووشه منور ❤️
كان مصاحب كل الناس وأي حد كان يبوس علي أيد يوسف ويقوله ازيك يابركه
كان بيقول ياماما انا ليه مليش أخوات قالتله قول لبابا يسوع وفعلا صلي وجت سوسنه اخته
صلاه الاربعين كان مناسب عيد يوسف النجار وابونا قال عنه القديس الصامت خدم في صمت❤️🙏🏼🌹
يوسف كان بيشتري حاجه والراجل مكنش مسيحي وقاله انت مش بتيجي ليه الكنيسه ياعمو قاله حاضر هاجي وفعلا جه جنازته😭
ناس كتير بتقول لأمه بنشوفه في مناظر حلوه وبنتشفع بيه 🌷
كلنا بنقول لوالديه ربنا يعزيكم لانه كان ضيف من السما
يوسف وصل السما وبقي ملاك ٢٠١٩/٦/٢٥🌺







اشتراك في قناه جون المصرى | Youtube


















شارك بتعليقك
فيسبوك ()


نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.