البحث

رد نارى من نيافة الانبا رافائيل عن مطالبة بعض الأقباط بتوحيد موعد عيد الميلاد وعيد القيامة مع الأجانب

منذ 1 شهر
December 12, 2019, 9:43 pm
رد نارى من نيافة الانبا رافائيل عن مطالبة بعض الأقباط بتوحيد موعد عيد الميلاد وعيد القيامة مع الأجانب

رد  نارى من نيافة  الانبا رافائيل  عن  مطالبة بعض الأقباط بتوحيد موعد عيد الميلاد وعيد القيامة مع الأجانب


نيافة الأنبا رافائيل يتساءل متعجبًا:
كل الأجناس بتفتخر بهويتها، أشمعنى إحنا اللي عاوزين نذوب في الغرب؟!

السؤال:
ما رأيك في مطالبة بعض الأقباط بتوحيد موعد عيد الميلاد وعيد القيامة مع الأجانب؟

الإجابة:
طبعا الإقتراح ده مطروح قدام المجمع وبيتدرس، لكن أنا شخصيًا مابحبش كده - جايز تزعلوا مني يعني لأن انتم جايز تحبوا أو تحسوا بأحتياجكم بتوحيد الأعياد - لكن أنا في ضميري اللي إستلمناه لازم نسلمه زي ما هو مانغيرش فيه، وبعدين المواعيد بتاعتنا مواعيد دقيقة، عيد القيامة في التاريخ بتاعنا بيطلع النور من القبر، تحبوا نغير العيد والنور يطلع في يوم غير بتاعنا؟ إزاي يعني! وبعدين مش إحنا بس اللي بنحتفل بعيد القيامة في الميعاد ده، كل الكنايس الجريك أرثوذكس اشمعنى بقى احنا اللي هانعمل كده؟

عيد الميلاد الغرب اللي إنتم بتعيشوا فيه بيعتبر الكريسماس ده holidays فين المسيح في الكريسماس بتاعهم؟ الناس بتطلع تتفسح وتهجص، وياخدوا أجازة طويلة، لكن المعنى الـ Religious في كنيستنا، فخلي الولاد يهيصوا في ٢٥ ديسمبر ويصلي يوم ٧ يناير، ايه المشكلة؟

وبعدين حاجة تانية: المجتمعات دي مش بس كلهم مسيحيين، انتو عندكم هنا في كندا بيطالبوا بان يوم الجمعة يبقى أجازه عشان المسلمين يصلوا، ولا إيه؟ وفي أعيادهم بياخدوا أجازات، ولو واحد دخل وقاله أنا يهودي وعندنا عيد أو بكره عندنا عيد هايدولوا إجازة، اشمعنى إحنا اللي نقعد نقول عشان الأجازات؟ طيب مانطالب، عددكم مش قليل!

لو كل كنايس أمريكا وكندا قدموا مطالب إلى البرلمان هنا وهناك، أن إحنا ناس مش قليلين ولنا عيد ولنا تاريخ، ناخد إجازة، ليه مانطالبش بحقنا؟ ليه؟ كل الشعوب انتو المجتماعات بتاعتكم الناس الهنود بيبقوا لسه لابسين هندي، والناس اليهود بيبقوا مفتخرين بيهوديتهم وكل الأجناس عايشة حياتها، أشمعنى إحنا اللي عاوزين نذوب في الغرب؟!

فأنا في رأيي خلينا زي ما أحنا، والمشاكل دي تتحل بطريقة تانية، دون أن نتنازل، وبعدين ايه بقى رد الفعل عند حد في الأرياف عندنا في مصر؟ هايقولوا احنا غيرنا الأعياد ولا إحنا خلاص بعنا الكنيسة للغرب؟ وبعنا الكنيسة للكاتوليك؟ الناس ماتفهمش التفاصيل، وبعدين هايجي ناس أعداء الكنيسة ويقولك إنهم أكتشفوا إن كل حاجة عند الأرثوذكس غلط فابتدأوا يصلحوا بقى، هايتقال كده!، فخلينا زي ماحنا.

نيافة الأنبا رافائيل

#موقع_الشجرة_المغروسة





اشتراك في قناه جون المصرى | Youtube


















شارك بتعليقك
فيسبوك ()



جون المصرى و;كشف حقيقة محمد على بعد حوار البى بى سى

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.