البحث

بالصورة البنت دى راحت مستشفي 57357 لعلاج سرطان الأطفال وشوف عملت ايه اسعدت بيه عشرات الاطفال المصابين ..حقيقي شكراً

منذ 1 شهر
February 17, 2020, 9:27 am
بالصورة البنت دى راحت مستشفي 57357 لعلاج سرطان الأطفال وشوف عملت ايه اسعدت بيه عشرات الاطفال المصابين ..حقيقي شكراً

مواضيع عامه 

بالصورة البنت  دى  راحت مستشفي 57357 لعلاج سرطان الأطفال وشوف عملت ايه اسعدت بيه عشرات الاطفال المصابين حقيقي شكراً


البنت اللي فى الصورة إسمها "نور النمر" ومن الأسماء اللي المفروض تتحفظ كويس الحقيقة طالبة فى كلية إقتصاد وعلوم سياسية عندها 22 سنة بعيد عن دراستها هي برضه شاطرة فى الديزاين قررت تعمل فكرة مجنونة وحلوة وعبقرية راحت مستشفي 57357 لعلاج سرطان الأطفال كذا مرة وقعدت مع حوالي 10 أطفال تتناقش معاهم وتسألهم عن أكتر كلام حلو بيحبوا يسمعوه (إحنا معاك، بكره أحلي، كل يوم جديد، إضحك، بنحبك، إنت سوبر مان، إنتي أميرة، إتحدي أي صعب)، وغيرهم! كتبت الكلام ده كله وسجلته بعدها سألت نفسها سؤال مهم: (هو مين أكتر حد بيتعامل معاه الأطفال فى المستشفي؟) الممرضات حلو يبقي دي البداية قفلت "نور" علي نفسها وصممت يونيفورم جديد للممرضات عليه كل الكلام الإيجابي اللي الأطفال قالوا عليه إنه بيبسطهم! ومش الكلام اللي الأطفال قالوا عليه وبس! لأ كمان هي نفسها ومن خلال قعدتها مع الولاد كان ليها نظرة خاصة فى إيه الكلام اللي هيفرحهم أو اللي هما محتاجينه يعني مثلاً من ضمن الولاد اللي قعدت معاهم ولد كان بيحب الرسم وكان متعود دايماً يرسم فى رسوماته وش زعلان! فكتبت علي لسانه كلمة "إضحك"، وهكذا خلصت التصميم عرضت الفكرة على إدارة المستشفي ووافقوا وإعتمدوا اليونيفورم فوراً وبقي طقم التمريض هناك لابسينه! الموضوع بقي مبهج بشكل عظيم زي ما هو باين في الصور، وتأثيره النفسي مابقاش على الأطفال بس لكن كمان على أهاليهم! تخيل إنت الطفل اللي رايح ياخد جرعة العلاج سواء هو أو أبوه وأمه اللي معاه لما عينه تيجي على كلمة حلوة هيبقي نفسيته عاملة إزاي! "نور" بنت موهوبة وشاطرة وبتعمل دايزاينات حلوة برضه على صفحتها تسلم إيدك يا "نور" واللي عملتيه له ثوابه عند ربنا قبل ما يكون عند الناس حقيقي شكراً.

منقول 
 




اشتراك في قناه جون المصرى | Youtube


















شارك بتعليقك
فيسبوك ()



اعلان مثبت

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.