البحث

شخص حط العطا بالــ 10 جنية اللى كانت وحيدة فى جيبة و حدثت معه معجزه ... تعرف على التفاصيل

منذ 1 شهر
March 6, 2020, 11:28 am
شخص حط العطا بالــ 10 جنية اللى كانت وحيدة فى جيبة و حدثت معه معجزه ... تعرف على التفاصيل

شخص حط العطا بالــ 10 جنية اللى كانت وحيدة فى جيبة و حدثت معه معجزه . تعرف على التفاصيل
 حدث

عشرة جنية في طبق العطا
بيقولي روحت الكنيسة واخدت أبني الصغير معايا ، عنده خمس سنين ، مكانش معايا غير عشرة جنية في جيبي ، قلت هجيب فطار بخمسة جنية وأنا مروح وبالخمسة جنية التانية هركب توكتوك عشان الحر الشديد
وأنا في الكنيسة ، بدأ الخادم إللي بيجمع عطايا الشعب يمر على الصفوف ومعاه طبق كبير للعطا ، سألني ابني قدام الناس : هو الراجل ده بيجمع أيه يا بابا في الطبق ده ؟
= ده بيجمع العطا يا حبيبي
- يعني أيه يا بابا ؟
= يعني كل واحد عنده فلوس عايز يقدمها لربنا بيحطها في الطبق ده
- طيب ما تحط انت كمان في الطبق يا بابا
= وبإحراج شديد بسبب الناس لأن ابني بيكلمني قدام الناس قلتله : مش معايا فكة يا حبيبي ، المرة الجاية هبقا أحط
- هو انت لازم تفك يا بابا ، حط من غير ما تفك
كنت في منتهى الإحراج قدام الناس بسبب كلام ابني ومافيش غير عشرة جنية صحيحة في جيبي ! لو كانت العشرة جنية خمستين ، كنت حطيت خمسة واحتفظت بخمسة أجيب بيها فطار ومش مهم التوكتوك ، لكن ياربي ده هى مافيش غيرها عشرة جنية حتة واحدة !
وبسبب الإحراج من الناس قلت لأبني ماشي يا حبيبي ، هحط من غير ما أفك ، وطلعت العشرة جنية من جيبي وحطتها في طبق العطا ، حطيتها وأنا مضطر ، مش عن إقتناع ، حطيتها بس بسبب ان ابني ورطتني ، وأنا بقول لنفسي ، طب الفطار أجيبه منين !!
وبعد ما خلصت الصلاة أخدت ابني وخرجت من الكنيسة وقلتله : أحنا مش هناخد توك توك ، هنمشي لحد البيت ، وأنا ماشي عمال أفكر ، هجيب فطار للبيت منين ، ده العشرة جنية إللي كانت معايا حطيتها في طبق العطا ، ومافيش في جيبي ولا قرش ، وفيما أنا بفكر وأقلبها يمين وشمال ، ببص قدامي لقيت 100 جنية 😮😮
صدمت وأنا بمسك المية جنية وحسيت كأن ربنا بيقولي : العشرة جنية إللي أنت حطيتها مضطر في طبق العطا ، خد بدالها مية جنية ، وبدل ما انت محتار تجيب فطار إزاي ، روح إشتري فطار وغدا وعشا !!
أنا مش ببات مديون لحد !!

نقلا عن الفيسبوك 

هذا الخبر منقول من : اخبار اليوم





اشتراك في قناه جون المصرى | Youtube


















شارك بتعليقك
فيسبوك ()



هام جدا

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.