البحث

هى قصة مش نكته بل معجزة حقيقية..موقف طريف بين مارجرجس و الأنبا شنودة رئيس المتوحدين..الأنبا شنودة مابيسبش حقه

منذ 4 شهر
March 16, 2020, 12:58 am
هى قصة مش نكته بل معجزة حقيقية..موقف طريف بين مارجرجس و الأنبا شنودة رئيس المتوحدين..الأنبا شنودة مابيسبش حقه

موقف طريف بين مارجرجس و الأنبا شنودة رئيس المتوحدين
هى قصة مش نكته بل معجزة حقيقية
الأنبا شنودة مابيسبش حقه +++
عم نوار ده راجل صعيدى بسيط وكان بيتاجر فى الزيت
وفى مرة وهو ماشى ناحية دير الأنبا شنودة رئيس المتوحدين فى سوهاج حصلت مفاجأة يا ربى،، وقع فى حفرة
عم نوار : يا أنبا شنودة رئيس المتوحدين لو طلعتنى هديك صفيحة زيت ،، فعلا طلعه الأنبا شنودة
لكن نوار طلع عيل ماوفاش الندر ،، تمر سنة والتانية و الثالثة و الرابعة و نوار ما وفاش الندر ،، المهم و فى مرة وهو ماشى وقع فى نفس الحفرة و كان معاه صفيحتين زيت
نوار : يا أنبا شنودة طلعنى هديك صفيحة زيت لكن المرة ديه الأنبا شنودة رئيس المتوحدين ما طلعوش
نوار : كده يا أنبا شنودة .
طيب يا مارجرجس يا سريع الندهة طلعنى وليك صفيحة زيت فعلا على طول مارجرجس جه بحصانه يطلع عم نوار ،،
شافه الأنبا شنودة رئيس المتوحدين فقال له :
رايح فين يا مارجرجس
مارجرجس : فى واحد إستنجد بيا واقع فى حفرة و أنا هطلعه من الحفرة
الانبا شنودة : يامارجرجس ده أنا اللى موقعه ،، ده أنا ليا صفيحة زيت عنده من أربع سنين
ماجرجس: طيب حاضر يا أنبا شنودة سيب الموضوع ده عليا
راح مار جرجس لعم نوار
عم نوار : إنت فين يا ماجرحس أنا واقع فى الحفرة
ما رجرجس : مش إنت من أربعة سنين وقعت فى نفس الحفرة
عم نوار : أيوة حصل
مار جرجس : إنت معاك صفيحتين واحدة بتاعة الأنبا شنودة رئيس المتوحدين والتانية بتاعتى زى ما أنتت قولت و فعلا أخد مارجرجس الصفيحتين
راح جرى عم نوار يسأل الغفير فى دير الأنبا شنودة
نوار: إنت يا عم شوفت حد ماسك صفيحة زيت
الغفير : أيوة كان فى راهب من شوية داخل شايل صفيحة زيت
و كان طبعا الأنبا شنودة رئيس المتوحدين
بركة صلاتهم تكون معانا امين +++




اشتراك في قناه جون المصرى | Youtube


















شارك بتعليقك
فيسبوك ()


نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.