البحث

الشيطان غير الطعم واحنا بلعناه للاسف ..الانبا رافائيل يوجه رسالة تحذيرية هامة في ظل انتشار فيروس كورونا

منذ 2 اسابيع
March 17, 2020, 3:24 pm
الشيطان غير الطعم واحنا بلعناه للاسف ..الانبا رافائيل يوجه رسالة تحذيرية هامة في ظل انتشار فيروس كورونا

الشيطان غير الطعم واحنا بلعناه للاسف افتكر من فتره كان فى تفجير للكنائس لكن الناس بعد التفجير تزاحمت انها تنزل الكنيسه وتحضر قداس لكن دلوقتى خايفين فمن كورونا فالناس بتدعو لتقليل القداسات او الغائها (بلعنا الطعم) احنا كنيسه مبنيه على اساس دم الشهداء كيف تنهدم بفيروس اذا كانت الدوله بتاخد احتياطتها احنا كمان ناخد احتياطتنا لكن القداس والتناول من ضمن الاحتياطات اننا نزودهم اليومين دول . اين الايمان بالجسد والدم هتفكر ان انت هتتعدى عن طريق الجسد والدم يبقى ايمانك ضعيف و(بلعت الطعم) اوعى تقلل قداسات او تخاف خلى بالك الى يخاف من الجسد والدم . تحت اى مسمى . خطيه. بإنكار ان ده جسد حقيقى ودم حقيقى وخطيه ان ربنا ليس ضابط الكل الواحد بيتخيل سيناريو ان الشطان راح لربنا وقاله هخلى الناس تبطل قداسات عن طريق تفجير وذبح وقتل لكن الشيطان انهزم من فتره . لكن دلوقتى راح لربنا وقاله هخلى الناس تبطل صلاه بفيروس وللاسف اعتقد بدأ ينجح لو القداسات فضيت من الناس اعرفوا ان ايمانا ضعيف واحنا فى خطر اصعب بكتير من فيروس . ياريت ننشر الايمان مش الذعر وياريت نقوى ايماننا وننزل بلاش نسلم بلاش نقبل بعض بلاش اى حاجه الا الجسد والدم الموت له اسباب كتيره ياريت لما ييجى يلاقى الايمان ولو هنموت بسبب تناول زى ماالشيطان بيكذب نقوله مرحبا بالانتقال من هذا العالم الفاسد
اسف للاطالع لكن نلخص فى كام نقطه
1_ خذ احتياطك براحتك
2_ القداس بتاعك انزله بدون خوف وزود قداسات كمان والى مش بيروح يروح.
3 _ اوعى تفكر متنزلش القداس او تفكر غلط على الجسد والدم . جسد المسيح ودمه اقدس شئ على الارض فزود من التقرب منه وتناوله .
4_ ياريت تروح لاب اعترافك لو فكرت بخوف فى التناول وتعترف وتبتدى ايمان قوى جديد وحافظ على ايمانك

 




اشتراك في قناه جون المصرى | Youtube


















شارك بتعليقك
فيسبوك ()



هام جدا

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.