البحث

ليس شرا مطلقا..كورونا سابلنا رسالة مهمة

منذ 2 اسابيع
March 17, 2020, 3:57 pm
ليس شرا مطلقا..كورونا سابلنا رسالة مهمة

كورونا سابلنا رسالة مهمة بتقول ايه
اولا : كورونا مش خطر علي الاطفال الي سنهم اقل من عشر سنين . و كأنه بيقولنا فاكرين بابا يسوع قال ايه ان لم ترجعوا و تصيروا مثل الاطفال لا تقدروا ان تدخلوا ملكوت السموات.يعني نطهر قلوبنا من الكره و الخصام و التهاون علشان تبقي قلوبنا بيضاء زي قلوب الاطفال
ثانيا :الوقاية من كورونا بيجي بالبعد عن الناس و كانه بيقول لنا نبعد عن الكل شوية علشان نتحد بالواحد . يعني بياخدنا في خلوة اجبارية كده بعيد عن الشغل و الدراسة و كانه بيقول لنا ارجعوا الي ارجع اليكم .بصولي بقي و فوقوا انا عايز خلاصكم و خايف عليكم مش عايز يتكرر تاني اللي حصل مع اورشليم .انتوا كمان بحاول اخدكم في حضني كما تجمع الدجاجة فراخها و انتوا مش عايزين.
ثالثا : الوباء بيدخل جسمنا عن طريق العين و الانف و الفم و الاذن و قبلهم اللمس .يعني رسالة واضحة قدسوا حواسكم بقي و ابعدوا عن اي شخص يقودكم للخطية و كانه حامل الفيروس .
رابعا :من ضمن طرق الوقاية غسيل الايدين و كأنه بيفكرنا بالاية اللي بتقول اغسل يدي بالنقاوة و ادخل هيكلك
خامسا :الفيروس بيفوقنا و يقولنا مدارس الاحد و الخدمة و الكنيسة اللي كنت معتمد انها موجودة في اي وقت وان محضرتش النهاردة احضر بكره ايه يعني .ربنا لما لقانا رخصناها (معتبرينها مش مهمة ) قالنا فوقوا دي غالية قوي و هتعرفوا غلاوتها لما تبقي قدامكم و مش قادرين تدخلوها
و اخيرا الرسالة ملخصها . اسمعوا صوت دقات ربنا علي الباب و افتحوله و اتمتعوا بالعشرة معاه و ساعتها هيتحول الحجر الصحي لحجر سماوي و خلوة روحية نتمتع بيها معاه
سادسا:-
الحقوا التوبة والتناول اليوم أمامك فيه بلاد قفلت الكنائس ومافيهاش تناول اليوم أمامك ما تستهرش احسن ما تلاقيش غدا
ممكن نفتح الكتاب المقدس ونأخذ منه غزاءا يومي يكفي لحياتنا مع الله مع الصوم والصلاة الرب معكم
ارفع يا رب عن مصر وكل العالم الوباء والغلاء والغباء وارفع عقولنا نحوك لنكون لك اذكر ولادنا وبناتنا وكنائسنا ومصر والعالم كله امين
أبونا أشعياء




اشتراك في قناه جون المصرى | Youtube


















شارك بتعليقك
فيسبوك ()



هام جدا

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.