البحث

اياك تحكى اللى شفته لحد الا بعد نياحتى .. اسرار فى حياة قداسة البابا كيرلس السادس

منذ 2 اسابيع
March 22, 2020, 12:11 am
اياك تحكى اللى شفته لحد الا بعد نياحتى .. اسرار فى حياة قداسة البابا كيرلس السادس

اياك تحكى اللى شفته لحد الا بعد نياحتى اسرار فى حياة قداسة البابا كيرلس السادس


بطريرك أكبر كنيسة اللى بيخيط شرابه المقطع بنفسه 😍
ولبسه لحذائه المقطع البابا القبطى الناسك مثلث الرحمات رجل الصلاة #البابا_كيرلس_السادس ❤️

مره البابا كيرلس❤️ نزل يصلى عشيه فى البطرخانه وقبل ما يدخل الهيكل قلع الجزمه بتاعته جنب المنجليه ودخل المذبح فى 2 شمامسه شباب شافو جزمه البابا قديمه ومتبهدله
راح واحد منهم شايف يا فلان بقى البابا يلبس جزمه كده تعال ناخدها نشيلها ونجيب له مكانها جزمه جديده بسرعه
وفعلا اخدو الجزمه وراحو جابو له جزمه جديده البابا كيرلس 😍 وهو نازل يبخر الكنيسه راح عدى على الشابين دول
مسكهم من ودنهم تعال ياد انت وهو اشمعنى بصيت لجزمه البطرك ومبصتش لجزمه المعلم الضرير😔 يابنى روحو بدلوا الجزمه وجيبوا جزمه للمعلم هو اولى منى❤️
لانه بيمشى فى الطين والزلط لكن انا بركب العربيه وانزل اصلى هو اولى منى بيها❤️
وفعلا امرهم يبدلوها ويجيبوا للمعلم ولبس نفس جزمته القديمه 😍+
مره تلميذ البابا كيرلس❤️ ابونا روفائيل دخل القلايه بتاعت البابا كيرلس ❤️ خبط واستاذن ودخل سلام يا سيدنا سلام يابنى بيبص ابونا روفائيل لقى البابا كيرلس 
️ماسك الشراب بتاعه بيخيطه لانه اتقطع……
راح ابونا روفائيل قاله يا سيدنا احنا نجيب لك دسته شرابات وليه تعمل كده…
راح البابا كيرلس ❤️بصله قاله بس يابنى الفقراء والمحتاجين اولى بكل جنيه وانا فى الاول والاخر يابنى راهب نادر الفقر وقاله اياك تحكى اللى شفته لحد الا بعد نياحتى +❤️

البابا كيرلس❤️ كان فيه طبع اى حد يجيب له هدايا اكل فاكهه لازم الاكل اللى ييجى يدى منه الفراشين والعمال زيه زيهم وممكن يديلهم نصيبه كمان وميكلش هو كان راجل حنين جدا جدا جدا بالحق فعلا ابو الغلابه ربنا يدينا قلب البابا كيرلس امين😍




اشتراك في قناه جون المصرى | Youtube


















شارك بتعليقك
فيسبوك ()



هام جدا

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.