البحث

قديس من هذا الجيل..القديس البتول برنابا القمص رافائيل..تعالوا نعرف حكايته

منذ 1 اسابيع
March 23, 2020, 12:13 pm
قديس من هذا الجيل..القديس البتول برنابا القمص رافائيل..تعالوا نعرف حكايته

القديس البتول برنابا القمص رافائيل
شاب صغير توفي يوم 1-7-2005 أسمة برنابا .
كان فى الثانوية العامة
والدة كان أب كاهن أسمة أبونا روفائيل
برنابا عرف يوم نياحتة قبلها بسنة
وخلال السنة ان بيعمل حاجات عجيبة جدا
هو من وقت مادخل الثانوية
وهو متفوق من سنة اولى لسنة ثالثة
,, وفي شهر يناير بأول السنة لما جابو النتيجة علشان يعلقوها فى البيت
قال لوالدتة بلاش تعلقوها دلوقتى خالوها لحد يوم 30/ 6
فقالت لأبونا ،
وفهمت انة علشان أمتحانات الثانوية العامة
وفى يوم عيد ميلاده فى مارس والده قاله عاوزين نعمل لك حفلة
قالة لأ يابابا بعد لما أخلص الامتحانات ، الأنبا متاؤس هايجي ويعمل لى حفلة كبيرة قوى فى الآسكندرية ودة فعلا حصل عمليا وأن الأنبا متاؤس هو الى صلى علية و 130 أب كاهن وكل الآسكندرية أتقلبت
لم يقل بعد ما أنجح لأ قال بعد ما أخلص الأمتحانات
هايجي الأنبا متاؤس يعمل حفلة كبيرة قوى لي أبونا قاله تحب أجيب لك هدية فى عيد ميلادك
قالة لأ يابابا أنا هديتى تعمل لى قنديل فى أوضتى وتكثر البخور وفعلا عمل لة قنديل فى أوضتة حضرة أخوه ووالدتة
وأخر يوم فى الآمتحانات بعد ما خلصوا ،
نزل مع زملائة يتفسحوا فراحوا كارفور أشتروا حاجات وفى أخر الجولة أصحابه قالوا لة تعالى ندخل السينما فرفض
أصحابة قالوا لة أنت بتغلس علينا قالوا لة خلاص هانعمل خروجات طول الصيف ومش هانخدك معانا قال لهم أنا مش هاجى معاكم
وبعدين وروح البيت بس ضميرة تعبه علشان زعل زملائة
فسأل أبونا أذا كان اللى عملة دة غلط
قال لة لا أبدا أنت عملت حاجة كويسة أن مادخلتش معاهم السينما
قاله بس هما زعلوا فأبونا قال لة خلاص صالحهم بالتليفون
فقال لة لأ أنا هاروح أصالحهم بنفسى فات عليهم كل واحد فى بيته وأعتزر لهم كأنه بيودعهم لأنة تانى يوم تنيح
وبعدين دخل الكنيسة يصلى مع زملائة
وقالوا امبارح كان بيقول معنا صلاة الغروب
وهو الى كان علية القطعة بتاعة
عند خروج نفسى من جسدى أحضرى بيقولوا قالها بطريقة عجيبة خلتنا كلنا أهتزينا معرفناش لية بيقولها كدة ؟؟
روح البيت والده بيقول: أنا لاقيت وشة منور بطريقة غير عادية
فقولت له ياواد أنت أحلويت كدة لية؟؟؟, فرد عليا وقالى ولسة أنت لسة ياما هاتشوف
قال الكلام بهزار
وبعدين قال لة بابا ممكن تاخدنى فى حضنك خمس دقايق والده أستغرب قوى لأن دى أول مرة يطلب طلب زى دة
فأخدة فى حضنة وبعدين راح لوالدتة وقال لها خدينى فى حضنك ياماما
فقالت لة ياواد أنت كبرت علي الكلام دة قال لها معلش أنا هادور على حضن أكبر من حضنك
برضة اخدوا الكلام دة علي انه هزار
فى الشهر الآخير قبل مايتنيح فوجئوا بيه بيعمل حركة غريبة بيمسك الصليب ويروح لأخوة الأكبر ويقول لة تعالى أباركك ويروح لوالدته فتقول لة ياود أيدك تقيلة يوقللها ياماما بس أستحملينى لغاية يوم 30/6
بعد كدة مش هاحط ايدى عليكى تانى خالص .
برضة هما فاهمين أن كل دة علشان الأمتحانات
وكمان أخر يوم فى أمتحانه طلع كل الفلوس الى عندة
وأداها لوالده قالة
خد الفلوس دى وزعها على الآديرة ,,,
أخوة قال لة طيب أستنى لما النتيحة تظهر وابقى أنت أوفى الندر ,, قال لة ماخلاص النتيجة ظهرت وأنا نجحت وجبت
205 من 205
وفى ليلة ما أتنيح قعد مع اخوة فى أوضتة للساعة واحدة ونص يدردشوا مع بعض
فقال لأخوة سيبنى بقة شوية علشان انا مش فاضى
قاله أنا مش عاوز أنام خلينى قاعد معاك شوية
قاله لا سيبنى شوية علشان عندى حاجة مهمة عاوز أعملها
قال لة وراك اية هاتصلى
قاله أة أخوة قالة طيب هاسيبك نص ساعة وأرجع لك تانى قال له لأ ماتجيش قالة لة ليه ,,
قال لة عندى حاجة مهمة خالص
قالة حاجة أهم من الصلاة
قالة لة أيوة
اخوة قاله فى أهم من الصلاة؟؟؟
قاله عندى حاجة أهم سيبنى دلوقتى
فخرج وقفل على نفسة الباب وبعد كدة
الساعة اربعة الفجر أبوة صحى علشان يصلى فعدى من قدام الأوضة بتاعتة شاف النور منور ففتح الباب وندة علية برنابا أنت لسة صاحى ؟؟؟,,
ماردش خبط ودخل لقاه قاعد على السرير ورجلية مدلدلة وظهرة نايم على السرير والأنجيل مكفى على صدرة والنظارة فى عينة
والدة قاله اية ياواد دة فى حد ينام بالطريقة دى ؟؟؟
أنت ياواد أصحى ,,,
فمد وسحب الأنجيل من ايدية وحطة على الكوميدينوا وقعد يهز فية لقاه مش بيتحرك بيهزه
لقاة تنيح أسلم الروح
عملوا الجنازة ورجعوا البيت أخوه بيدور فى أوراقة لقى أجندة مكتوب عليها
ممنوع حد يطلع عليها
فأبونا اتصل بقداسة البابا قالة حاللنى ياسيدنا ينفع نفتحها قالة قداسة
البابا طالما هو اتنيح يبقى ينفع فاتحوها وجدوا أنة كاتب فيها بالتاريخ يوم نياحتة وكان كاتب
فيها:" ياربى يسوع المسيح ماتخلنيش أخاف من اللحظة دى وياست ياعدرا
لازم تكونى حضرة وتجيبى معاكى قديسين كتير
وملايكة كتير علشان وأنا خارج أكون فى حضنهم" .
وحاجات تانية كتير
أليس هذا نموذج للطهارة والقداسة متاح فى هذا الجيل.




اشتراك في قناه جون المصرى | Youtube


















شارك بتعليقك
فيسبوك ()



هام جدا

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.