البحث

معجزة أكثر من رااائعه ببركة الشهيد العظيم ابو سيفين

منذ 2 شهر
March 28, 2020, 9:15 pm
معجزة أكثر من رااائعه ببركة الشهيد العظيم ابو سيفين

  معجزة أكثر من رااائعه ببركة الشهيد العظيم  ابو سيفين


من معجزات ابوسيفين.
* كان في واحد من ابوقرقاص كان غني جدا كان عنده عمارات ومحلات وعقارات في مصر قعد في مصر شطبهم وباعهم عشان يرجع يعمل بيهم مشروع في بلده ابوقرقاص
حط الفلوس في شنطه كبيرة وراح زار دير ابوسيفين وقدم بركة وطلع من هناك وهو بيقوله كون معايا في الطريق يا ابوسيفين للمنيا، اجر عربيه من رمسيس توصله
وكان السواق غير مسيحي فبيسأله احطلك الشنطه ورا يا خواجا؟ قاله لا ياابني خليها جمبي دي فيها الفلوس فيها ٢ مليون جنيه اصل احنا بعنا الدكاكين والعمارات وراح حكاله علي كل حاجةالسواق نزل من العربيه اتصل باتنين صحابه في الحوامديه قالهم اقفولي في الشارع الرئيسي معايا صيده حلوة خواجا مسيحي معاه شويه فلوس حلوين.
وقفولو وكانو جايبين شوال وحبل عشان يخنقوه وياخدو الفلوس فراحو وقفوا في الطريق ولما جولهم وقفوه و سألوه تاخدنا المنيا يا سطا؟ راح السواق سأل الراجل ناخدهم معانا يا خواجا؟ قاله هاتهم ياابني العربيه فاضيه فركبو معاه وبدل ما العربيه ماشيه في الطريق للمنيا غير طريقه مشيو علي طريق زراعي علي اليمين وترعه علي الشمال وماشين والراجل كل شويه يساله ياابني رايح فين؟ يابني غيرت الطريق ليه؟ راح السواق قاله هجيب حاجة من هنا بس يا خواجا وهنرجع، الراجل حس بخطر فضل يندة علي ابوسيفين وبعدين السواق وقف العربيه وقاله يلا يا خواجا انزل!! قاله هنزل اعمل اية ياابني؟! قاله هناخد الفلوس ونقتلك هنا!!! الراجل فضل يحاول معاهم طب خدو الفلوس وسيبوني قالولو لا لو سبناك هتبلغ عننا فضل ينادي علي ابوسيفين بصوت عالي يا ابوسيفين ياابوسيفين قالولو ومين ابوسيفين ده؟ وقاعدين بيتفاهمو ويتفاصلو مع بعض لقيو ابو سيفين جاي ظابط جاي من بعيد بيزعق بتعملو ايييييه؟ وقفوا!!! اول ما شافوه كدة طبعا خافوا وجريو سابو العربيه وكل حاجة وجريوا وسط الزرع وبيبصو وراهم لقيو ابوسيفين شايل الراجل من تحت دراعو كده بشنطته وطايرين في الهوا وعدي بيه الترعه وداه الناحيه التانيه فابوسيفين بيقول للراجل: بقي يا راجل حد يقول انا معايا فلوس وبعت العمارات وبعت المحلات دا كلام؟ قاله مانت عارفني علي نياتي ياابوسيفين وانا كنت عندك في الدير النهاردة قاله انت من ساعت ماطلعت وانا ماشي معاك وقاله بص ياسيدي لغايه مانوصل للطريق في الدكتور سامح من المنيا كان بيزور ديري في مصر القديمة هو وراجع هركبك معاه وقعد معاه ابوسيفين لغايه ماوصلو للطريق السريع وسامح وصل شاورله الظابط(ابوسيفين) ركن علي جمب قاله معلش يا دكتور سامح هتعبك خد الراجل ده معاك قاله تحت امرك يا باشا (ماهو فاكرة ظابط) وركبوا وفجاة ابوسيفين اختفي الدكتور سامح بيسال الراجل الظابط راح فين انا كنت لسه بكلمه قاله دا مش ظابط دا ابوسيفين قاله يانهار ابيض ونزل من العربيه يبص يمين وشمال ويلف حوالين العربيه مفيش ياعم مش تقول ان ده ابوسيفين قاله مش انت سامح قاله اه قاله كنت بتزور ابوسيفين في مصر القديمة قاله اه وانت عرفت ازاي؟ قاله ماابوسيفين كان بيحكيلي عنك وانك جاي وفضل يحكيله اللي حصل وروحوا مع بعض والراجل وصل بيته هو وفلوسه بسلام





اشتراك في قناه جون المصرى | Youtube


















شارك بتعليقك
فيسبوك ()


نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.