وائل عبد العزيز عن ياسمين صبري

حدث
وائل عبد العزيز عن ياسمين صبري
دافع الفنان وائل عبد العزيز، شقيق الفنانة يا سمين عبدالعزيز عن ياسمين صبري بعد الهجوم الشرس الذي تعرضت له بسبب مسلسلها الجديد "فرصة تانية".

وقال وائل عبد العزيز عبر صفحته على موقع التواصل الاجتماعي "فيس بوك": "أنا حابب أفهم الناس حاجة عن الهجوم على ياسمين صبري ! ياسمين صبري بلغه سوقنا اسمها ڤيديت والڤيديت في تاريخ السينما العالمية والعربية وحتى الهندية لازم ينطبق عليها مميزات معينة".

وأضاف: "يعني الرشاقة والجمال وطلة مميزة عن غيرها ووش تحبه وترتاح ليه عشان تأدي الأدوار الرومانسية وآخر شيء التمثيل، لو رجعنا للزمن ورا شويا هنلاقي أكتر ڤيديدات السينما فيهم المميزات دي وتمثيلهم في الأول كان على قدهم إلى أن ارتقى من كتر الشغل والأدوار المختلفة غير الشغل على النفس".

وتابع: "وأحب أقولكم إن الشغلانة دي كل ما تقف قدام كاميرا أكتر كل ما تتقل وتلمع وتبقى معلم في حتتك وبعدين الناس زعلانة ليه يكون عندنا ممثلات حلوين بدل العاهات اللي الواحد بيشوفها كل يوم طيب أنا هفكركوا قدام شوية ياسمين صبري القمر دي هتبقي نجمة مصر مع الوقت".

واختتم حديثه قائلًا: "ومن الآخر كده للمنتقد طبعا ده شيء يرجعلك وحرية شخصية بس هيبقى شكلك وحش قوي لما ترجع تحبها قدام ويبان في عينيك".

وائل عبد العزيز عن ياسمين صبري: «رشاقة وجمال وطلة مميزة»