يد الله تصنع المستحيل بقلم كيرلس فتحي

منذ 6 شهر
September 21, 2020, 12:18 am

آدم شاب ٣٣ سنه يتيم الاب والأم وعايش مع اخته المتجوزه بعد ما البيت اللى فيه شقتهم الإيجار وقع ، آدم بيحكى قصته الأغرب من الخيال وقد ايه إيد ربنا كانت معاه فى كل لحظه
يوم ٢٣ أغسطس اللى فات ، واحد زميل آدم طلب منه يشيل أمانه عنده ، آدم الأول إتردد وقاله
- ماقدرش عشان انا عايش فى بيت أختى وده مش بيتى عشان أشيل فى أمانه
بعد إلحاح شديد من صاحبه وانه مسافر ومش هايلاقى حد امين قده يقدر يشيل معاه الأمانه دى
وافق آدم بشرط ان فى ظرف ٥ ايام يجى وياخد الحاجه
أتفقوا انه يسلمه الأمانه يوم ٢٤ فى ميدان رمسيس الساعه ٢ الضهر
بالفعل حضر آدم قبل ميعاده بربع ساعه منتظر صاحبه عشان يستلم منه الأمانه
الساعه ٢:١٤ بعد الضهر رن عليه زميله وقاله انه مش هايقدر يجى عشان اتاخر على ميعاد الأتوبيس وطلب منه يستناه عند محطة اتوبيس السوبر جيت فى عبد المنعم رياض ، مع تشديد منه انه مايتأخرش عشان الأتوبيس هايتحرك الساعه ٢:٣٠
بسرعه آدم أخد تاكسى اللى إتأخر به أكتر من ربع ساعه على ما وصل بسبب حادثه كانت فى تقاطع الطريق اللى رايح على عبد المنعم رياض
الساعه ٢:٤٠ زميله باعتله رساله على الفيس من أكونت غريب بيقوله انه سابله الشنطه مع واحد بعربية أكل واقف هناك
بالفعل راح آدم ولقى عربية الأكل وسأل وبالفعل خد الشنطه ، لكن حصلت حاجه غريبه جداً
آدم جه يتصل بصاحبه لقى تليفونه مقفول
قال يمكن شبكه ، اجرب وقت تانى
ركب آدم التاكسى فى طريقه للبيت ، اللى أتأخر به اكتر من ساعه فى الطريق بسبب كمين كان فى الطريق اللى حصلت فيه حاجه غريبه جداً لكن فى النهايه روح آدم بيتهم وشال الشنطه اللى فيها الأمانه
وحاول انه يتصل بصاحبه بالليل لقى تليفونه بردو مقفول
قال يمكن فاصل شحن ، ومالحقش يشحنه واكيد هو نايم دلوقتى ، بكره الصبح احاول تانى
تانى يوم آدم أتصل به ونفس الكلام لقى تليفونه مقفول
جه يبعتله رساله على الواتس عشان يقوله انه استلم الأمانه ، لقى صاحبه مسح الحساب بتاعه على الواتس
شك ان فى حاجه غريبه
وافتكر الحساب الغريب اللى بعتله منه الرساله ، فتح الشات لقى الحساب اتقفل





فتح آدم الأمانه اللى كانت ٤٠ ألف جنيه
وفضل يسأل نفسه كذا سؤال
هو فى ايه ؟؟
ليه مسح الواتس وكلمه من فيس باسم مختلف ويقفله ،مع انه ماعندهوش فيس أصلاً
ازاى يسيب مبلغ زى ده مع واحد غريب فى الشارع
اللى اغرب من كدا واللى زود شك آدم
ان الاتوبيس على حد قول صاحبه كان ٢:٣٠ وهو كلمه قبلها بربع ساعه ، طيب لما هو عارف انه هايتأخر ماكلمهوش ليه بوقت كافى عشان يلحق يروحله ؟؟
ده اكيد فى حاجه هو خايف منها ومش عاوز يسلمنى الشنطه فى ايدى
تانى يوم آدم راح محطة الأتوبيس يسال على ميعاد ٢:٣٠ بيطلع على فين
اتفاجأ آدم لما عرف ان أصلاً مافيش اتوبيسات بتطلع فى الميعاد ده
بدأ آدم يربط الخيوط دى باللى حصل معاه فى الكمين
لما سواق التاكسى بيقوله ، بيدورو على فلوس مزوره
رجع أدم البيت وفحص الفلوس كلها وأتاكد من كل تخميناته ، الفلوس كلها مزوره
لكنه افتكر قد ايه ايد ربنا كانت سنداه بأعجوبه شديده لما عربية آدم فى الكمين إياه وماتفتشتش
رتب آدم الفلوس من تانى وشالها زى ماكانت ،وعمل مكالمة تليفون لرقم مش متسجل عنده ، وخد ميعاد على الساعه ١٠ بالليل
خلصوا الخمس أيام ، وزى ما كان متوقع ، الساعه ٩ الصبح لقى زميله صاحب الشنطه بيتصل به ، فى مكالمه أستغرقت ١٧ دقيقه ، واللى كان فيها ادم بيعاتبه على اللى حصل
فى النهايه اتفقوا على مكان ياخد فيه الشنطه، الساعه ٢ بالليل تحت بيت آدم
بعد ما خلصت المكالمه، آدم كتب رساله على الواتس وبعتها مع ملف لنفس الرقم اللى كلمه يوم ماكتشف الفلوس المزوره
الساعه ٢ بالليل تم القبض على زميل آدم متلبس بالشنطه ، ولما أنكر فى التحقيقات ، تمت مواجهته بمكالمه لمدة ١٦ دقيقه سجلها آدم لزميله ، كان باعتها لظابط شرطه من منطقته اللى ساعد آدم من اول دقيقه أكتشف فيها حقيقه الشنطه
عزيزى القارىء
ماتقلقش من صفا نيتك فى المعامله مع الناس لأن ربك ساندك

نقلا عن فيسبوك





اشتراك في قناه جون المصرى | Youtube


تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري
احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play