شقيق عمر خورشيد يفجر مفاجأة نارية عن صفوت الشريف والسندريلا|شاهد

شقيق عمر خورشيد يفجر مفاجأة نارية عن صفوت الشريف والسندريلا|شاهد


فجر إيهاب شقيق الفنان عمر خورشيد، مفاجآت من العيار الثقيل، وكشف عن حقائق تُنشر لأول مرة، وذلك عقب إعلان أسرة الموسيقار الراحل عن إقامة عزاء له بعد 40 عامًا من رحيله، بعد وفاة صفوت الشريف، رئيس مجلس الشورى ووزير الإعلام الأسبق، والذي تتهمه أسرة خورشيد بالتسبب في مقتل ابنهم.

وقال شقيق عمر خورشيد، في تصريحات خاصة لـ"أهل مصر": "صفوت الشريف بهدلنا طوال 50 سنة 50 سنة أبويا وأمي وأختي والعائلة كلها كانت ممنوعة من عمل أي شيء في عهده صفوت شريف هو اللي قتل عمر، وسعاد حسني قالت ده في الباب الأول من مذكراتها".
وأضاف إيهاب: "صفوت الشريف، كان يستغل سعاد حسني، ويقبض من وراها فلوس وياما سعاد اشتكت منه لعبد الحليم حافظ، واشتكت كذا مرة، ولما عبد الحليم مات اشتكت لعمر وعمر راح لصفوت الشريف المكتب قاله أبعد عن سعاد، وكانت هي دي نهاية شقيقي".
وأوضح: "عمر مات مذبوح من رقبته، وكان بيطلعله جن وعفاريت وناس تخبط عليه قبل ما يموت ب6 شهور أنا كنت في الثانوية العامة وقتها سنة 81، وكنت معتمد على أخويا جدًا أني أطلع يخليني معاه ويقف جنبي في حياتي صفوت الشريف حرمني من أخويا الكبير اللي هو سند العيلة بعد أبويا ما مات حرمنا منه كلنا، واتشردنا في الشوارع وهجرنا وخلانا نسيب مصر، واتعذبنا واشتغلنا خدامين وشيالين بعد ما كنا مليونيرات".
وأضاف شقيق عمر خورشيد: "صفوت الشريف، إدعى زورًا إن شقيقي عايز يسافر إسرائيل، وأنه بيحب بنت الرئيس الراحل أنور السادات، وعمر برئ من كل الكلام ده".
واختتم حديثه قائلًا:"السبب في إننا لم نقيم عزاء بعد مقتل عمر، هو إننا كنا عارفين أنه ميت مقتول، وشريهان ومها أبو عوف ودينا كانوا ساكتين، وما فيش حد اتكلم إحنا الوحيدين اللي كنا بنتكلم ونقول إن عمر مات مقتول".
https://youtu.be/KSTrDPjnA0E