الحزن يخيم على السوشيال ميديا بعد انتقال عروسة السماء سلفانا

منذ 1 شهر
April 4, 2021, 2:35 pm

الحزن يخيم على السوشيال ميديا بعد انتقال عروسة السماء سلفانا


قديسة_فى_السماء
قديسة مش كلمة بتتقال لمجرد انها عانت من مرض صعب
وسافرت للسماء فى سن صغير
ملاكنا دى من يوم ما اتولدت وكآنها بتقول انا ملاك
وقت طفولتها كانت طفلة مختفلة معشتش طفولتها بشكل عشوائي زينا ما افتكرش فى مرة جه وقت واتصرفت زى اى طفلة عادية
طفلة هادية ملائكية عمرها ما كانت سبب تعب لمامتها وباباها
اتقبلت خبر مرضها بضحكة كملت وعافرت لاخر
لما كانت قادرة تمشى ع رجلها كانت بتكمل جهاداها ع الارض
كانت مهتمة جدا بمعهد العلامة
افتكر مرة كانت بتاخد جلسة الكيماوى فى المستشفى وكان عندها امتحان فى المعهد كانت وقتها تعبانة وابتدا يظهر عليها التعب بس الوقت ده كانت بتقول انها شايلة هم الامتحان
كانت بتقاوم وبتطلع للناس وبتتعامل طبيعى
كانت طول الوقت تضحك
كانت حتى وقت مرضها لما كان بيبقى مشتد عليها آلمها جامد كانت بتبقى حريصة متضايقش حد
سلفانا كانت بتبقى متآلمة ع مدار ال٢٤ ساعة
آلم صعب جدا فوق طاقة البشر
لكن الوقت اللى كانت تجيلها لحظة راحة كانت بتضحك وتبتتسم وتبتدى تتعامل كآنها مش مريضة كانسر ولا كآنها كانت بتآن من لحظات
الملاك دى اخر فترة تعبت جدا
كانت كل يوم تفقد حاجة من جسدها





كان الكآنسر بينتشر فيها بسرعة رهيبة
من مكان لمكان حاجات كان العقل بيقف وقت التفكير فيها
كانت بتحصلها حاجات مختلفة ومخيفة
كلامى عنها وقت مرضها ميكفهوش زمن
سلفانا كان جسدها الارضي اتدمر
حتى جمالها اختفى
بس سلفانا لما سافرت رجعت شبه الاطفال وجه ملائكى منير .
ع لسان راهب كان مع سلفانا فى معظم وقت مرضها
بيقول ان فى راهب من السواح طلب يشوف لحظة انتقال سلفانا للسماء
فبيقول ان جه رب المجد بنفسه ياخدها مبعتش ملايكة
وطلع بيها فوق وسط هتاف ملايكة وقديسين
وفضل ماشى بيها لحد العرش ولما وصلوا للعرش
سلفانا وقفت قدام الله. الراهب بيقول انا فؤجت ان اول حاجة عملتها سلفانا ابتدت تطلب عن كل حد ساعدها فى مرضها حتى لعامل المستشفى
بعدها طرحت اكاليليها قدام الله
لما سلفانا سافرت ابونا الراهب اللى كان معاها طول وقت تعبها قال لازم تمسك صليب فى ايديها
فجاب الصليب ووطى كدة ع الصندوق علشان يدهولها
ابونا بيقول ان سلفانا مسكت الصليب منه
قديستنا فى السماء تشفع عننا كلنا
مينفعش يتبكى عليها

light-dark.net


نقلا عن فيس بوك

 





اشتراك في قناه جون المصرى | Youtube


تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري
احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play