زوجة أحمد الفيشاوي تفتح النار على محمد رمضان ادفع ثمن هدومك يا نجم

منذ 2 اسابيع
April 28, 2021, 10:45 am

زوجة أحمد الفيشاوي تفتح النار على  محمد رمضان: ادفع ثمن هدومك يا نجم


هاجمت ندى الكامل، زوجة الفنان أحمد الفيشاوي، عبر حسابها الرسمي على موقع التواصل الاجتماعي«فيسبوك»، الفنان محمد رمضان بعدما كشف مصمم أزيائه أزمته معه ورفضه دفع أموال ملابس حصل عليها من تصميمه.
وقالت ندى، خلال منشور شاركته عبر حسابها بفيسبوك: «ما تدفع يا نجم تمن الهدوم اللي خدتها، وخليت مدير أعمالك ميردش على الراجل الترزي سنتين ولما جه عندك عاملوه بطريقة بايخة، كنت أدفع أحسن من الفضيحة دي.أدفع تمن الـ4 سديري والـ3 بدل، وإلا هو كل شوية فالح بس تقولنا وغنيتهالنا كمان أن كل هدومك فيرساتشي فيرساتشي وأنت بتقلدهم ومخيط نص هدومك عند الترزية، وفاكرنا عبط ومنعرفش الأصلي من المضروب، وملناش دعوة».
وتابعت، خلال منشورها، قائلةً: «من فضلك يا نجم البس في صمت وادفع اللي عليك. ورجاء أخير يا ريت تنطق كلمة versace صح».
وكتبت زوجة الفنان أحمد الفيشاوي، عبر حسابها منشورًا آخر قالت خلاله: «يا نجم مش عيب أبدا إن الإنسان يكون غني ومعاه فلوس ومبسوط بيها طالما هو شقي وتعب فيها. بس العيب عليك دلوقت، مفيش دلوقت في العالم كله وبتكلم عن الناس اللي معاها فلوس حد ماشي زيك كده».





light-dark.net


وأكملت: «الناس الفنانين والرياضيين ونجوم المجتمع بيكون عندهم big team عشان يهيئ حياتك وتعرف بتعمل إيه بفلوسك، ومفيش حد دلوقت غير وهو عنده life coach بيعلمك ويعرفك تطلع تقول إيه وإزاي وأمتى ودي مش عيب أبدا، الحاجات دي اتعملت مخصوص للناس اللي زيك، اللي هما في مستوى عقلي واجتماعي ضعيف أو ناس أغنية جدا ولازم team يدير الفلوس دي ومعاها حد يعرفك بتعمل إيه».
أشرف فضلة يوضح كواليس أزمته مع محمد رمضان
وكان خرج أشرف فجلة، مصمم أزياء المشاهير، للحديث عن تفاصيل موقف مرتبط بالمعاملات المادية مع «محمد رمضان» بعدما تجاهل الأخير ومدير أعماله كل رسائله ومكالماته، بإنه قبل عامين صمم للفنان نحو 3 بدل وبالطو و4 «صديري» ظهر ببعضها خلال كليب أغنية «مافيا» وأول حفلة له بالساحل الشمالي وحتى الآن لم يحصل على مستحقاته المالية، قائلا لـ«رمضان»: «تواصلت مع مكتبك أكتر من مرة وبعت لمدير أعمالك تجاهلني أنا بعذر إنك مشغول لكن حبيت أوصل صوتي بشكل مباشر بأني مش عارف أتواصل معاك لو سمحت ليا حسبة صغيرة عندك ممكن تكون بسيطة بالنسبة ليك لكن رقم عندي وأنا محتاج كل جنيه». 




نقلا عن هن





اشتراك في قناه جون المصرى | Youtube


تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري
احصل عليه من app store تحميل تطبيق صوت المسيحي من علي app store احصل عليه من Google Play تحميل تطبيق صوت المسيحي من google play